१२५ सीसी सम्मका बजाज मोटरसाइकल किन्दा सामसुङको रेफ्रिजेरेटर पाइने

काठमाडौं – नेपालका लागि बजाजको आधिकारिक वितरक हंसराज हुलासचन्द एन्ड कम्पनीले बजाज फ्रिलीली अफर ल्याएको छ । यस अनुसार बजाजका कुनै पनि १२५ सीसी सम्मका बाइक किन्दा सामसुङको १९२ लिटरको रेफ्रिजेरेटर पाइने छ ।

हाल नेपाली बजारमा १२५ सीसी सम्मका बजाज प्लाटिना, डिस्कभर र पल्सर गरी तीन मोडलका मोटरसाइकल उपलब्ध छन् । ती मध्ये प्लाटिना १०० सीसीको हो भने अन्य दुई मोडल १२५ सीसीका छन् ।

बजाज प्लाटिनाको मूल्य १ लाख ९५ हजार ९ सय रुपैयाँ छ । डिस्कभर १२५ डिस्क र एसटी गरी दुई मोडलमा उपलब्ध छ । यसको मूल्य २ लाख २९ हजार ९ सय र २ लाख ३६ हजार ९ सय रुपैयाँ छ ।

त्यसैगरी पल्सर १२५ डिस्क र एनएस बीएस६ गरी दुई मोडलमा उपलब्ध छ । यी दुई मोडलको मूल्य क्रमशः २ लाख ५१ हजार ९ सय र २ लाख ७९ हजार ९ सय रुपैयाँ छ ।

बजाजले हाल नयाँ वर्ष २०८० को अवसरमा समेत अफर ल्याएको छ । सो अफर अन्तर्गत २५ प्रतिशत डाउन पेमेन्टमा बजाज मोटरसाइकल उपलब्ध हुनेछ । बाँकी रकम किस्ताबन्दीमा तिर्न सकिने छ ।

यसैगरी कुनै पनि मोटरसाइकल किन्दा १० हजार रुपैयाँ स्योरसट छुट उपलब्ध हुनेछ भने २५ जनालाई १ किलोग्राम चाँदी उपलब्ध गराइने छ ।

नेपाली बजारमा भित्रिएको २५ वर्ष पुरा भएको अवसरमा बजाज नेपालले केही दिन पहिले एक विशेष कार्यक्रम समेत आयोजना गरेको थियो ।