प्रि–बुकिङ गरिएका एक्सपेङ जी६ एसयूभी दशैं अगावै आइपुग्ने, डेलिभरी समेत गरिने

काठमाडौं – एक्सपेङको नेपालका लागि आधिकारिक वितरक सीजी मोटर्सले केही दिन पहिले देखि नै बुकिङ गरिएका एक्सपेङ जी६ कार दशैं अगाडि नै नेपाल आइपुग्ने जानकारी सार्वजनिक गरेको छ ।

ग्राहकले धेरै प्रतीक्षा गरेको एक्सपेङ जी६ दशैं भन्दा अघि नै वितरण गर्ने कार्यक्रम निर्धारण भएको कम्पनीको भनाइ छ । एक्सपेङ जी६ बुक गरेका ग्राहकहरूले दशैं भन्दा अगाडि नै गाडी प्राप्त गर्न सक्ने लक्ष्य राखेर यी सवारी साधनहरू चीनबाट प्रस्थान गरिसकेका छन् । यी सवारी साधन छिट्टै नेपालमा आउने अपेक्षा गरिएको सीजी मोटर्सले जानकारी दिएको छ ।

सीजी मोटर्सले प्रारम्भिक पूर्वानुमानभन्दा धेरै बुकिङ गर्न सफल भएको बताएको छ । यसले एक्सपेङको स्वचालित ड्राइभिङ, अल्ट्रा–फास्ट चार्जिङ्, ५०ः५० लोड रेसियो र एसईपीए २.० जस्ता स्मार्ट ड्राइभिङ प्रविधिप्रति बढ्दो विश्वासलाई झल्काउँछ।

सीजी मोटर्सले ग्राहक सेवा प्रदान गर्ने र यसको वितरण समयमा नै सुचारु गराउने प्रतिबद्धता जनाएको छ।