हिरो मोटोकर्पले भिडा ब्रान्डमा इलेक्ट्रिक टु ह्विलर ल्याउने

हिरो मोटोकर्पले भिडा ब्रान्डको नाममा इलेक्ट्रिक टु ह्विलर उत्पादन गर्ने भएको छ । हिरो ब्रान्डलाई लिएर हिरो इलेक्ट्रिकसंग विवाद चुलिरहेको समयमा उसले नयाँ ब्रान्डमा इलेक्ट्रिक भेहिकल उत्पादन गर्ने निर्णय लिएको हो । यससंगै यी दुई कम्पनीबिच जारी बिबाद समेत हल हुने देखिएको छ ।

भारतको सबैभन्दा ठूलो टु ह्विलर उत्पादक हिरो मोटोकर्पमाथी इलेक्ट्रिक टु ह्विलर उत्पदानमा ढिलो गरिरहेको भनेर तत्काल यो सेग्मेन्टमा उत्पादन थाल्न दाबव सिर्जना हुँदै आइरहेको थियो । भिडा ब्रान्ड अन्तर्गत उसले पहिलो पटक इलेक्ट्रिक स्कुटर लन्च गर्न सक्ने देखिएको छ । मिडिया रिपोर्टका अनुसार कम्पनीले सम्भवत जुलाई १ मा आफ्नो नयाँ इलेक्ट्रिक स्कुटर लन्च गर्नेछ । उक्त दिन कम्पनीका संस्थापक डा.बृजमोहन लालको जन्मोत्सब समेत हो ।

इलेक्ट्रिक टु ह्विलरका लागि भनेर कम्पनीले गोगोरोसंग साझेदारी समेत गरिसकेको छ । साथै उसले चार्जिङ स्टेशन निर्माणका लागि भारत पेट्रोलियम कर्पोरेशनसंग सम्झौता समेत गरिसकेको छ । साथै कम्पनीका अध्यक्ष एबं सिइओ पवन मुन्जालले ग्लोबल सस्टेनबिलिट फन्ड अन्तर्गत १०० मिलियन डलर लगानी गर्ने उद्घोस समेत गरेका छन् ।