भारतमा टाटा ईभीको २ लाख बढी ग्राहक, ८ हजार बढी ईभी १ लाख किलोमिटर गुडेको दाबी

भारतमा टाटा ईभीको ग्राहक २ लाख बढि पुगेको छ । २०१९ को अन्तिमतिर नेक्सन ईभी उतारेको टाटाले त्यसपछि टिगोर, टियागो र पन्च हुँदै केही समयअघि कर्भ ईभी लन्च गरेको थियो ।

२ लाख यूनिट ईभी बिक्री भएको अवरमा टाटाले ग्राहकलाई बिभिन्न अफर समेत सार्बजनिक गरेको छ । हिँजोदेखी लागु भएको उक्त अफर ४५ दिनसम्म चल्ने र यस विचमा ग्राहकले १ लाख भारु बरावरको अतिरिक्त लाभ पाउने जनाइएको छ ।

जसमा एक्सचेन्ज बोनस, ५० हजार भारु सम्मको लोयल्टी बोनस र सत् प्रतिशतसम्म अन–रोड फाइनान्स अप्सन समाबेश गरिएको छ ।

साथै, कम्पनीले कुनै पनि टाटा पावर चार्जिङ स्टेसनमा ६ महिनाको निःशुल्क चार्जिङ सुविधा र ईभी खरिद गर्दा ७.२ किलोवाटको एसी फास्ट होम चार्जर निःशुल्क प्रदान गर्ने जनाइएको छ ।

टाटा मोटर्सका अनुसार टाटा ईभी प्रयोग गर्ने ग्राहकले ५ वर्षमा सामूहिक ५ अर्ब किलोमिटरभन्दा बढी यात्रा गरेका छन्, जसले ७ लाख टन कार्वन डाईअक्साड उत्सर्जन घटाउन योगदान पु¥याएको छ । यस विचमा ८ हजार भन्दा बढी ईभीले १ लाख किलोमिटर यात्रा तय गरिसकेको कम्पनी दाबी छ ।