इलेक्ट्रिक टु ह्विलर बजारमा टीभीएस, बजाज र हिरोको हिस्सा ६० प्रतिशत

भारतको इलेक्ट्रिक टु ह्विलर बजारमा टीभीएस, बजाज र हिरो मोटोकर्प जस्ता लेगेसी ब्रान्डको वर्चश्व देखिएको छ । यी तीन पुराना ब्रान्डको उदयले वर्षौंदेखिको स्टार्टअप प्रभुत्वलाई अन्त्य गरेको छ ।

जाटो डाइनामिक्सका अनुसार, जनवरी २०२६ सम्म यी तीन ब्रान्डले इलेक्ट्रिक टु–ह्विलर सेग्मेन्टमा ६० प्रतिशत हिस्सा नियन्त्रण गरेको छ, जुन २०२३ मा ३४ प्रतिशत मात्रै थियो ।

यी तीन ब्रान्डमा पनि टीभीएसले २८ प्रतिशत बजार हिस्साका साथ बजारलाई नेतृत्व गरेको छ भने त्यसपछि बजाजले २१ प्रतिशत र हिरो मोटोकर्पले ११ प्रतिशत बजार हिस्सा लिएका छन् । २०२३ मा यी ब्रान्डको हिस्सा क्रमशः २२ प्रतिशत, १० प्रतिशत र २ प्रतिशत मात्र थियो ।

यी ब्रान्डले प्रारम्भिक चरणमा आफ्नो आपूर्ति श्रृंखला र डिलर तयारी निर्माण गरेका थिए र अब सही समयमा बिक्री बढाइरहेका छन् । आक्रामक मूल्यसंगै पोर्टफोलियो विस्तार, उत्पादन स्थिरता र ग्राहक अनुभवमा केन्द्रित भएका कारण लेगेसी ब्रान्डको बर्चश्व बढेको हो ।