टाइम्स मोटर्सले पुरा ग-यो ३ वर्ष, थप जिम्मेवारीका साथ कार्य गर्ने प्रतिबद्धता

काठमाडौं – टाइम्स मोटर्सले ३ वर्ष पुरा गरेको छ । टाइम्स मोटर्सले हाल नेपालमा इसुजु गाडीको आधिकारिक वितरक कन्टिनेन्टल ट्रेडिङ इन्टरप्राइजेजको काठमाडौंका लागि डिलरको रुपमा कार्य गरिरहेको छ भने भल्वो हेभी इक्विपमेन्टको प्रदेश एक, मधेश प्रदेश र बागमती प्रदेशका आधिकारिक वितरक समेत हो ।

२०७५ माघ ७ गते स्थापना भएको टाइम्स मोटर्सले प्रारम्भमा इसुजु गाडी बिक्री गर्दै आइरहेकोमा करिव एक वर्ष यता मात्र भल्वोको समेत वितरक बनेको हो ।

हाल टाइम्स मोटर्सले गाडी बिक्री गर्नका लागि ग्राहकहरुले अन्तक्र्रिया गर्न सक्ने वेबसाइटको विकास गरेको छ । यसका हाल काठमाडौं उपत्यकाको बल्खु र गैरीधारा गरी दुई स्थानमा विशेष खालको आउटलेट छन् ।

हाल २५ जना कर्मचारी कार्यरत टाइम्स मोटर्सका ५ सय भन्दा बढी सन्तुष्ट ग्राहक भएको बताइएको छ । यो अवधिमा ५० हजार भन्दा बढी ग्राहकले ब्रान्डको वारेमा अनुभव लिएका छन् ।

आगामी दिनमा ग्राहक वर्गका लागि थप जिम्मेवारी बोधका साथ कार्य गरी उत्कृष्ट उत्पादन उपलब्ध गराउने टाइम्स मोटर्सले प्रतिबद्धता व्यक्त गरेको छ ।