एमजी ईभीको ५० प्रतिशत बजार दक्षिण भारत

भारतमा एमजी ईभीको सबैभन्दा ठूलो बजार दक्षिण भारत रहेको एक तथ्यांकले देखाएको छ । जेएसडब्लु एमजी मोटर इन्डियाका अनुसार, २०२४ मा दक्षिण भारतीय बजारले ईभी बिक्रीको लगभग आधा हिस्सा ओगटेको थियो ।

वाहनको तथ्याङ्क अनुसार, एमजीले २०२४ मा २२ हजार ६४६ विद्युतीय सवारी साधन बेचेको थियो । यी मध्ये दक्षिण भारतमा १० हजार ६९८ युनिट बिक्री भएको हो । जुन ब्रान्डको कुल ईभी बिक्रीको ४७.२ प्रतिशत हो ।

एमजी मोटर इण्डियाका अनुसार, कर्नाटकमा सबैभन्दा धेरै एमजी ईभी बिक्री भएको थियो, त्यसपछि तेलंगाना दोस्रो स्थान र केरला तेस्रो स्थानमा छन् ।

एमजीले हाल भारतमा इन्ट्रि लेभल ईभी कोमेटदेखी एसयूभीमा जेडएस ईभी बिक्री गर्दै आएको छ भने केहि समयअघि विन्ड्सर ईभीलाई लन्च गरेको थियो । एमजी ईभीको बिक्रीमा पछिल्लो समय विन्ड्सरको हिस्सा निकै ठूलो छ ।