‘कस्टमर सेल्स स्याटिस्फेक्सन इन्डेक्स’मा एमजीले पछि पार्यो टोयोटा र हुन्डाइलाई

जेडी पावरले भारतामा अघिल्लो बर्षका लागी गरेको ‘कस्टमर सेल्स स्याटिस्फेक्सन इन्डेक्स’ सर्बेक्षणमा एमजी मोटर्सले अग्र स्थान हासिल गरेको छ । सन् २०१९ मा हेक्टर एसयुभीमार्फत भारत प्रवेश गरेको एमजीेले छोटो समय अबधीमै यस्तो उपलब्धी हाँसिल गरेको हो ।

१ हजार प्वाइन्ट स्केललाई आधार मानेर गरिएको उक्त सर्बेक्षणमा ८८१ स्कोर प्राप्त गर्दै एमजी मोटर्स अग्र स्थानमा आएको हो । एमजीपछि टोयोटाले ८७७ र हुन्डाइले ८७५ स्कोर हाँसिल गरेका छन् ।

कुल ५ हजार ५ सय ९३ नयाँ ग्राहक सामेल उक्त सर्बेक्षण ६ भिन्न पक्षमा आधारित भई गरिएको जेडी पावरले बताएको छ । उक्त सर्बेक्षणमा मास मार्केट सेग्मेन्टलाई मात्र समेटिएको थियो ।

जसअन्तर्गत डेलीभरी प्रोसेसका लागि २० प्रतिशत, डिलर सुबिधाका लागी १८ प्रतिशत, पेपरवर्क कम्प्लिसनका लागी १७ प्रतिशत, वर्किङ आउट दि डिलका लागी १५ प्रतिशत, सेल्स कन्सलट्यन्टका लागी १५ प्रतिशत र ब्रान्ड वेभसाइटका लागी १४ प्रतिशतका आधारमा मूल्याँकन गरिएको थियो ।

उक्त सर्बेक्षणका क्रममा केही नयाँ तथ्यहरु समेत बाहिर आएका छन् । सर्बेक्षणमा सामेल ग्राहकमध्ये ८५ प्रतिशतले अनलाइनमार्फ गाडीको जानकारी लिएको बताएका थिए भने ६८ प्रतिशतले साथीभाईको सल्लाहामा आफै उपस्थित भई नयाँ कार खरिद गरेको बताएका थिए । २० प्रतिशत ग्राहकले मात्र अनलाइनमार्फत खरिद गरेको बताए ।