२२ सहरमा डिलरसिप विस्तार गर्दै केटिएम, यी हुन डिलर आह्वान गरिएका स्थान

काठमाडौं– केटिएम तथा हस्कभर्ना मोटरसाइकलको आधिकारिक विक्रेता हंसराज हुलासचन्द एण्ड कम्पनी प्रालिले देशका विभिन्न २२ स्थानमा डिलरसिप आह्वान गरेको छ । सवारीसाधनको बिक्री नै हुन छाडेर धमाधम शोरुम वन्द भइरहेको समयमा केटिएमले भने एकैपटक यति धैरै सहरमा डिलरसिप विस्तार गर्न लागेको हो ।

कम्पनीले उपत्यकामा महाराजगन्ज र पूल्चोक सहित चीतवनको टाँडी र पर्सा, नवालपरासीको कावासोती, सूर्खेत, चरिकोट, त्रिशुली, गोर्खा, दमौली, पाल्पा, खाँदवारी, वालिङ, वेशिसहर, वर्दिवास, सिन्धुली, इलाम, फिदिम, चपुर, भोजपुर, अर्घाखाँची र लमहीमा डिलरसिप आह्वान गरेको छ ।

केटिएमको नेपाली बजारमा ड्यूक २००, ड्यूक २५०, ड्यूक ३९०, आरसी २००, आरसी ३९०, एड्भेन्चर २५० र एड्भेन्चर ३९० लगायत मोडलका मोटरसाइकल उपलब्ध छन् । प्रिमिमय रेन्जमा गनिने यी मोटरसाइकलको मूल्य औषत वाइकको तुलनमा निकै महंगो छ । केटिएम युवा राइडरमाझ निकै लोकप्रिय वनेको मोटरसाइकल व्राण्ड हो ।