टाटा पिकअप र कार्गो गाडी खरिदका लागि ज्योति विकास बैंकले ७० प्रतिशत सम्म कर्जा दिने

काठमाडौं – टाटाका पिकअप र कार्गो गाडी खरिदका लागि ज्योति विकास बैंकले ७० प्रतिशत सम्म कर्जा दिने भएको छ ।

नेपालका लागि टाटाको आधिकारिक वितरक सिप्रदी ट्रेडिङ प्रालि र ज्योति विकास बैंकबीच यस सम्बन्धी सम्झौता सम्पन्न भएको छ ।

अब सिप्रदी ट्रेडिङको सिफारिस प्राप्त ग्राहकहरुले टाटा ब्राण्डका पिकअप र कार्गो गाडी खरिदको लागि ज्योति विकास बैंकमार्फत ७० प्रतिशतसम्म कर्जा प्राप्त गर्नेछन् ।

उक्त सम्झौता पत्रमा बैंकको तर्फबाटम नायब प्रमुख कार्यकारी अधिकृत पारसराज कडेल तथा सिप्रदी ट्रेडिङको तर्फबाट कम्पनीका महाप्रबन्धक अनुपमणि ढकालले हस्ताक्षर गरेका छन् ।

बैंकका देशभर फैलिएका १०५ वटा शाखाबाट उक्त सवारी कर्जा सेवाबाट लाभान्वित हुन सक्ने बताइएको छ ।