पहिलो पटक अपर मुस्ताङ पुग्यो होन्डा एलिभेट

काठमाडौं – होन्डा एलिभेट पहिलो पटक अपर मुस्ताङ र मुक्तिनाथ सम्म पुगेको छ ।

गत वर्षको असोज महिनामा नेपाल भित्रिएको भए पनि हालै मात्र एक जना ग्राहकले सो गाडी मुस्ताङ पु¥याएका हुन् । यो गाडीमा सेगमेन्टकै उत्कृष्ट मानिने २२० एमएम ग्राउन्ड क्लियरेन्स छ । यसकारण अफरोडका लागि समेत होन्डा एलिभेट उत्कृष्ट मान्न सकिन्छ ।

त्यसैगरी होन्डा एलिभेट एसयूभीमा एडास, भीएसए, एबीएस, एस बडी स्ट्रक्चर, लेन वाच क्यामेरा लगायतका विभिन्न विशेषता छन् ।

गाडीमा भएको १.५ लिटरको इन्जिनले १२१ एचपी पावर र १४५ एनएम टर्क जेनेरेट गर्छ ।

एलिभेटको एक्सटेरियरमा एलईडी डीआरएल सहितको फुल एलईडी प्रोजेक्टर हेडल्याम्प, एलईडी टर्न इन्डिकेटर तथा रियर एलईडी लाइट पाउन सकिन्छ । होन्डाले एलिभेटमा सिंगल प्यानल सनरुफ दिएको छ ।

यसैगरी इन्टेरियरमा फराकिलो स्पेस, ठूलो साइजको हेड र लेगरुम, ७ इन्चको मल्टी इन्फर्मेसन डिस्प्ले र १०.२५ इन्चको हाई डेफिनेसन फ्लोटिङ इन्फोटेन्मेन्ट डिस्प्ले पाउन सकिन्छ । आधुनिक स्टाइल र उत्कृष्ट पर्फमेन्स भएको यस एसयूभीले ग्राहकहरुलाई उच्चस्तरीय ड्राइभिङ अनुभव दिने होन्डाको नेपालका लागि आधिकारिक वितरक स्याकार ट्रेडिङ कम्पनीले जनाएको छ ।

हाल नेपाली बजारमा होन्डा एलिभेटको मूल्य ६२ लाख ५० हजार रुपैयाँ देखि सुरु हुन्छ । मोडल र भेरिएन्ट अनुसार यसको मूल्य फरक छ ।