नयाँ डिजाइन र फिचरसहित २०२६ एमजी हेक्टर फेसलिफ्टको पहिलो झलक सार्वजनिक

एमजी मोटर इन्डियाले २०२६ एमजी हेक्टर फेसलिफ्टको पहिलो टिजर सार्वजनिक गरेको छ । सार्वजनिक गरिएको तस्विर अनुसार सो एसयूभी पहिलेभन्दा धेरै स्पोर्टी, बलियो र आधुनिक देखिन्छ । विशेषगरी, यसमा रहेको पुनः डिजाइन गरिएको ठुलो ग्रिलले यसलाई अझ प्रीमियम र मोडर्न लुक दिइएको छ ।

यसको क्याबिन पनि उल्लेखनीय परिवर्तन गरिएको छ । नयाँ ड्यासबोर्ड लेआउट, अपडेटेड इन्फोटेनमेन्ट सिस्टम, भेन्टिलेटेड सिट, नयाँ कनेक्टेड कार फिचर, सेफ्टी फिचर र प्रिमियम सामग्रीको प्रयोगले सो एसयूभीको इन्टेरियरलाई  अझ आकर्षक बनाएको छ ।

२०१९ मा एमजीको पहिलो भारतीय मोडलको रूपमा लन्च भएको हेक्टरले बजारमा बलियो स्थान बनाउन सफल भएको छ । यसमा ड्युअल पेन प्यानोरामिक सनरुफ, ७० भन्दा बढी कनेक्टेड सुविधा, एडीएएस सुइटजस्ता सुविधाहरू प्रदान गरिएको छ । हेक्टर प्लस भेरिएन्टले तीन-पङ्क्ति सिट रहेको पारिवारिक कन्फिगरेसन पनि उपलब्ध गराउँदै आएको छ।

नयाँ हेक्टर पेट्रोल र डिजेल दुवै विकल्पलाई कायम राख्नेछ । पेट्रोल मोडलमा १.५ लिटर टर्बोचार्ज्ड इन्जिन हुनेछ, जसले १४१ बीएचपीको पावर र २५० एनएमको टर्क उत्पादन गर्नेछ । यो ६ स्पिड म्यानुअल वा सीभीटी गियरबक्ससँग उपलब्ध हुनेछ । डिजेल भेरिएन्टमा २.० लिटर टर्बोचार्ज्ड इन्जिन समावेश हुनेछ, जसले १७० पीएस पावर र ३५० एनएमको टर्क दिनेछ । यो इन्जिनमा ६ स्पिड म्यानुअल ट्रान्समिसन उपलब्ध हुनेछ।

एमजीले आधिकारिक रूपमा लन्च मिति घोषणा नगरे पनि नयाँ २०२६ हेक्टर फेसलिफ्ट डिसेम्बर १५ मा लन्च हुन सक्ने बताइएको छ ।