फोर्डको प्राथमिकतामा हाईब्रिड गाडी, ईभी उत्पादनमा ढिलाई गरिने

फोर्ड मोटरले इलेक्ट्रिक एसयूभी र पिकअप ट्रकहरूको उत्पादनमा ढिलाइ गर्ने जनाएको छ । ईभी उत्पादनमा ढिलाई गरेर २०३० सम्ममा सम्पूर्ण मोडललाई हाइब्रिड भर्सनमा ल्याउने कम्पनीले बताएको हो ।

ईभीको बिक्री पुरै अटोमोटिभ उद्योगमा अपेक्षा गरिएभन्दा कम हुन थालेकाले यस्तो निर्णय गरिएको कम्पनी भनाई छ । ईभीमा लगानी जारी राख्दै आफ्नो थ्री रो एसयूभी र टी३ कोडनेममा उत्पादन गर्न लागिएको नेक्स्ट जेन इलेक्ट्रिक पिकअपलाई पर सारिएको कम्पनीले जनाएको छ । यी ईभीको अब २०२७ देखीमात्र उत्पादन सुरु हुनेछ ।

टेस्ला पछि अमेरिकी बजारमा दोस्रो ठूलो ईभी बिक्रेता बन्न सफल फोर्डको यस्तो निर्णयले अमेरिकाका ठूला अटो निर्माताहरु अझैपनि ईभीमा गैहाल्ने मनस्थितीमा नरहेको प्रष्ट हुन्छ ।

फोर्डका सीईओ जिम फर्लेले भने, ‘विगत दुई वर्षदेखि अमेरिकामा नम्बर २ ईभी ब्रान्डको रूपमा हामी पूँजीको बुद्धिमानी प्रयोग गर्दै आएको छौ र सहि समयमा विद्युतिय गाडीको उत्पादनमा केन्द्रित हुनेछौ । तत्कालका लागी हामी ग्यास र हाइब्रिड मोडलमै केन्द्रित भई लाभदायक ईभी व्यवसाय बढाउन प्रतिबद्ध छौं ।’