फोर्ड इकोस्पोर्ट हाइब्रिड पावरट्रेनका साथ पुनः बजारमा आउने

फोर्डले आफ्नो लोकप्रिय क्रसओभर इकोस्पोर्टलाई यूरोपमा पुनः उत्पादन गर्ने भएको छ । भारत र अन्तर्राष्ट्रिय बजारमा क्रमशः २०२१ र २०२२ मा बन्द हुनुअघि फोर्ड इकोस्पोर्ट लोकप्रिय एसयूभी थियो ।

मिडिया रिपोर्टका अनुसार सन् २०२५ को मध्यसम्ममा यो एसयुभीको ग्लोबल डेब्यू हुन सक्नेछ । मल्टी–एनर्जी भेइकलका रुपमा आउन लागेको नयाँ इकोस्पोर्ट हाइब्रिड पावरट्रेनमा समेत उपलब्ध हुने उल्लेख छ । यूरोपमा यसको उत्पादन स्पेनमा हुनसक्ने बताइएको छ ।

नयाँ मोडल अहिले बन्द गरिएको मोडलभन्दा ठूलो हुने जनाइएको छ । जसको लम्बाइ लगभग ४.३ मिटर हुनेछ । एसयूभीले युरोपेली बजारमा भर्खरै लन्च भएको रेनो डस्टर(डासिया) संग प्रतिस्पर्धा गर्नेछ ।