ईभी, हाइब्रिड र सोलारपछि अब फ्लेक्स फ्युल कारको चर्चा : के हो फ्लेक्स फ्युल ?

इलेक्ट्रिक भेइकल, हाइब्रिड कार र सोलार कार पछि अब नयाँ फ्युलको चर्चा चलेको । युरोपेली कार बजारमा सो फ्युलको प्रयोग भइरहेको छ । जसको नाम फ्लेक्स फ्युल राखिएको छ । बढ्दो प्रदूषण र महँगो पेट्रोल तथा डिजेलको कारण फ्लेक्स फ्युल राम्रो विकल्प हुनेछ । फ्लेक्स फ्युल के हो र यो कसरी लाभदायक हुन्छ ? जानौं ।

फ्लेक्स फ्युल इन्टरनल कम्बसन फ्युल हो । यो पेट्रोल र डिजेल जस्तै हुन्छ । यो पेट्रोल र इथानोलको संयोजनबाट तयार हुन्छ र यसमा पेट्रोलको अंश पनि हुन्छ । सवारी साधनमा फ्लेक्स फ्युल प्रयोगको लागि सवारी साधनलाई फरक किसिमले डिजाइन गर्नुपर्छ । तर, फ्लेक्स फ्युल इन्जिन गाडीमा डिजेल वा पेट्रोल राख्न सकिन्छ ।

फ्लेक्स फ्युलको मूल्य प्रति लिटर करिव १५० रुपैयाँको हाराहारी हुन्छ । साथै, यसले प्रदूषण पनि धेरै कम गर्छ । फ्लेक्स फ्युलले इन्जिनको आयु पनि धेरै लामो हुन्छ ।

फ्लेक्स फ्युलको बारेमा २ प्रकारका धारणा बाहिर आएका छन् । एकातिर विज्ञहरू ५ वर्षअघि फ्लेक्स फ्युल आएको भए कुरा अर्कै हुने र अहिले ईभीको जमाना भएको बताउँछन् । अर्कोतर्फ, इलेक्ट्रिक कार खरिद गर्न नसक्नेलाई फ्लेक्स फ्युल राम्रो विकल्प हुने बताउँछन् ।

फ्लेक्स फ्युल प्रयोग गर्ने पहिलो कम्पनी होन्डा हो । कम्पनीले यो फ्युलको कार छिट्टै बजारमा ल्याउनेछ । कम्पनीले आफ्नो सबैभन्दा लोकप्रिय मोडल होन्डा एक्टिभामा फ्लेक्स फ्युल इन्जिन प्रयोग गर्ने चर्चा छ । होन्डाका साथै टोयोटाले पनि छिट्टै आफ्नो कोरोला वा क्यामरीको फ्लेक्स फ्युल भेरिएन्ट भारतमा सार्वजनिक गरेको छ ।