८० प्रतिशतसम्म फाइनान्समा इसुजु पिकअप, यस्तो छ अन्य सुविधा

इसुजु गाडीको विक्रेता टाइम्स मोटर्सले दशैं स्किम ल्याएको छ । सो स्किम अन्तर्गत यो व्राण्डको पिकअप खरिद गर्दा ग्राहकले ८० प्रतिशतसम्म फाइनान्स सुविधा पाउनेछन् । २० प्रतिशत रकम डाउनपेमेन्ट भुक्तानी गरी वाँकी रकमलाई सरल किस्तावन्दिमा तिर्न सकिने उक्त स्किममा ग्राहकले २ महिनाको इएमआई होलिडेको सुविधा समेत पाउनेछन् ।

यसको साथै ग्राहकले १ लाख ५० हजारसम्म नगद छुट, एक वर्षको निशुल्क इन्सुरेन्स र एस–क्यावमा निशुल्क एसेसोरिज समेत प्राप्त गर्न सक्नेछन् । नेपाली बजारमा अहिले यसको एस–क्याव टु ह्विल ड्राइभ, हाइल्यान्याडर फोर ह्विल ड्राइभ र भी–क्रस प्रिमियम फोर ह्विल ड्राइभ गरी कुल तीन मोडलका पिकपअ उपलब्ध छन् ।

यी पिकअपको मूल्य क्रमश ४६ लाख ९० हजार, ५९ लाख ९० हजार र ७५ लाख ९० हजार रुपैयाँ निर्धारण गरिएको छ । यो नयाँ स्किमले कम डाउनपेमेन्ट गरेर गाडी किन्न इच्छुक ग्राहकलाई फाइदा पुग्ने कम्पनीले विश्वास लिएको छ ।