११६ अटो मेकानिक्स र परिवारलाई एन्टिजेन परीक्षण, सबै रिपोर्ट नेगेटिभ

काठमाडौं – नेपाल अटो मेकानिक्स व्यवसायी संघ र ललितपुर महानगरपालिकाको सहयोगमा आज सम्पन्न एन्टिजेन परीक्षणमा उपस्थित सहभागी ११६ जना सबैको रिपोर्ट नेगेटिभ आएको छ ।

ललितपुरको हात्तीवनस्थित विष्णु अटो वर्कसपमा सम्पन्न उक्त परीक्षणमा अटो मेकानिक्स र उनीहरुका परिवारलाई एन्टिजेन प्रविधिबाट परीक्षण गरिएको थियो ।

ललितपुर महानगरपालिका वडा नम्बर १५ का वडाध्यक्ष सुदर्शन मिश्रको आतिथ्यतामा सम्पन्न उक्त परीक्षण सम्पन्न भएको थियो ।

संघ र महानगरपालिकाले संयुक्त रुपमा गत शुक्रबार सानेपास्थित जल्पादेवी अटो वर्कसपमा गरेको परीक्षणमा ३ जनामा पोजिटिभ रिपोर्ट आएको थियो ।

आगामी दिनमा उपत्यकाका अन्य स्थानमा समेत अटो मेकानिक्स र उनीहरुका परिवारलाई परीक्षण कार्य गर्नका लागि पहल भइरहेको संघका निवर्तमान अध्यक्ष दीपक खड्काले बताए ।