फोर्ड नेपालले ल्यायो अविश्वसनिय अफर : एउटा फोर्ड गाडी किन्दा अर्को ईभी गाडी सित्तैमा

काठमाडौं - नेपालमा फोर्ड गाडीको आधिकारिक वितरक जीओ अटोमोबाइल्स प्रालिले ग्राहकहरूका लागि पहिलो पटक सीमित समयका लागि अविश्वसनिय अफर सार्वजनिक गरेको छ।

यस अनुसार फोर्ड एभरेष्ट, -याप्टर र रेन्जर जस्ता प्रिमियम एसयूभी र पिकअप खरिद गर्दा इलेक्ट्रिक गाडी अर्थात ईभी निःशुल्क पाइने छ । यस अनुसार उही मूल्यमा दुई वटा गाडी उपलब्ध हुनेछन् ।

कम्पनीका अनुसार, यो अफरले शक्तिशाली र अफरोड क्षमतायुक्त फोर्ड गाडीहरूको अनुभवसँगै शहरभित्र प्रयोगका लागि विद्युतीय सवारीको सुविधा पनि प्रदान गर्ने उद्देश्य राखेको छ। बढ्दो इन्धन मूल्य र वातावरणमैत्री यातायातप्रति आकर्षण बढिरहेका बेला यो योजना उपयुक्त विकल्प हुने कम्पनीको दाबी छ।

जीओ अटोमोबाइल्सका प्रवक्ताले यस प्रकारको अफर नेपालमै पहिलो पटक उपलब्ध भएको र ग्राहकहरूलाई एउटै खरिदमा थप मूल्य र सुविधा दिन लक्षित गरिएको बताए ।

हाल नेपालमा फोर्डका नेक्स्ट–जेन फोर्ड एभरेष्ट २.० लिटर बाई टर्बो, नेक्स्ट–जेन फोर्ड रेन्जर २.० र नेक्स्ट–जेन फोर्ड -याप्टर ३.० लिटर छन् । यी सबै गाडीहरु थाइल्याण्डबाट आयात गरिन्छन्।

कम्पनीले काठमाडौंको थापाथलीमा रहेको ४ हजार ६०० वर्गफुटको शोरूम तथा १८ हजार वर्गफुटको अत्याधुनिक वर्कशपमार्फत सेवा दिइरहेको जनाएको छ।