हार्ले र हिरो मिलेर तयार पारेको नयाँ मोटरसाइकल लन्च, मूल्य कति ?

हार्ले–डेभिडसनले हिरो मोटोकर्पसँगको सहकार्यमा विकास गरेको नयाँ मोटरसाइकल ‘एक्स ४४० टी’ लन्च गरेको छ । हार्ले ब्रान्डमा उत्पादित हालसम्मकै सानो इन्जिनयुक्त उक्त मोटरसाइकलको मूल्य २ लाख ७९ हजार भारु निर्धारण गरिएको छ ।

यसअघिको हार्ले एक्स ४४० को अपडेटेड भर्सनका रुपमा आउन लागेको सो नयाँ मोटरसाइकललाई कम्पनीले उही पुरानै ट्युबुलर चेसिस फ्रेममा तयार पारेको हो । मोटरसाइकलको अगाडि अपसाइड डाउन फोर्क र पछाडि डुअल शक अब्जर्बर सस्पेन्सन सेट जडान गरिएको छ । अलाेय ह्विल र ब्रेकहरु पनि यसअघिकै मोडलबाट लिएको छ।

एक्स४४० टीमा लामो टेल सेक्सन दिइएको छ भने सिंगल पीस सिटद्वारा सुसज्ज्ति छ । बाइकमा सिंगल पड इन्स्ट्रयुमेन्ट कन्सोल र बार एन्ड मिररहरू छन् । हार्लेको सो नयाँ मोटरसाइकलमा राइड–बाई–वायर थ्रोटल, स्विच गर्न मिल्ने ट्र्याक्सन कन्ट्रोल तथा रियर एबीएस, रोड र रेन जस्ता राइडिङ मोडहरू उपलब्ध गराइएको छ ।

हार्ले एक्स ४०० मा जस्तै ४४० सीसी, सिंगल सिलिन्डर इन्जिन जडान गरिएको उक्त मोटरसाइकलको आधिकतम पावर २७ बीएचपी र टर्क ३८ एनएम रहेको छ ।