२०२६ एमजी हेक्टर फेसलिफ्ट, नयाँ डिजाइन र सुविधासहित चाँडै बजारमा आउने

एमजी मोटर्सले इलेक्ट्रिक कार सेग्मेन्टमा पाएको सफलता पछि अब कम्पनी पेट्रोल डिजेल सवारीको क्षेत्रमा आफ्नो उपस्थिति अझ बलियो बनाउन लागेको छ । कम्पनीले हाल २०२६ एमजी हेक्टर फेसलिफ्टको तयारी गरिरहेको छ । सो फेसलिफ्ट हालै परीक्षणका क्रममा देखिएको छ ।

परीक्षणमा देखिएको एमजी हेक्टर हल्का कभरमा थियो, जसले यसको डिजाइनमा ठूला परिवर्तनहरू आउने अनुमान गरिएको छ । सो फेसलिफ्टेड मोडललाई कम्पनीले फेरि एकपटक नयाँ रूप र परफर्मेन्स दिने उद्देश्यले तयारी गरिरहेको छ।

२०२६ एमजी हेक्टर फेसलिफ्टमा फ्रन्ट र रियर दुवै भागमा उल्लेखनीय परिवर्तन देखिनेछ । यसमा नयाँ ग्रिल डिजाइन, नयाँ फ्रन्ट र रियर बम्पर र अलोय ह्विल समावेश गरिएको छ । यद्यपि यसमा सिट मेटल, लाइटिङ एलिमेन्ट, एलईडी डीआरएल, एलईडी हेडलाइट सेटअप र एडास रडार भने यथावत् राखिनेछ ।

यसको इन्जिन पनि पहिले जस्तै १.५ लिटर टर्बो पेट्रोल र २.२ लिटर टर्बो डिजेल इन्जिन विकल्प उपलब्ध हुनेछ । सेफ्टीका लागि यसमा फ्रन्ट र रियर दुवै सिटका लागि भेन्टिलेशन, नयाँ १४ इन्च पोर्ट्रेट स्टाइल टचस्क्रिन, टच रिस्पोन्स र क्लाइमेट कन्ट्रोल जस्ता फिचर हुनेछ । विशेषगरी डिजेल भेरिएन्टमा थप एडास फिचर र डिजेल अटोमेटिक भेरिएन्टको पनि सम्भावना छ।

एमजी हेक्टरको नयाँ फेसलिफ्ट लन्चिङ पछि टाटा ह्यारियर, टाटा सफारी, महिन्द्रा एक्सयूभी७०० र महिन्द्रा स्कर्पियोसँग प्रतिस्पर्धा हुनेछ ।