ब्रान्ड न्यु इन्जिनमा आउँदै नयाँ टाटा सिएरा, फिचर र पावरट्रेन सार्वजनिक

काठमाडौं–टाटा मोटर्सले २०२५ को सबैभन्दा बढी प्रतीक्षा गरिएको कारहरू मध्ये एक नयाँ सिएरा सार्वजनिक गरेको छ । सो नयाँ कारलाई कम्पनीले नोभेम्वर २५ मा लन्च गर्ने योजना बनाएको छ ।

सिएराको डिजाइनमा टाटा मोटर्सले आधुनिक र न्यूनतम दृष्टिकोण अपनाएको छ । एसयूभीमा फ्लश–फिटिङ डोर ह्यान्डल र पछाडि पातलो एलईडी टेललाइट तथा एलईडी बार उपलब्ध गराइएको छ । अन्य डिजाइन हाइलाइटहरूमा ब्ल्याक ओआरभीएम, ग्लस ब्ल्याक बडी क्ल्याडिङ, ह्वील आर्च क्ल्याडिङ, ब्ल्याक रूफ रेल, रूफ स्पोइलर, शार्क फिन एन्टेना र १९–इन्च डुअल टोन एलोई ह्विल समाबेश गरिएको छ ।

कारको भित्री भागमा ट्रिपल–स्क्रिन लेआउट रहेको छ । एसयूभीको केन्द्रमा टाटा लोगो प्रकाशित भएको ४–स्पोक स्टेयरिङ ह्वील, डुअल जोन अटोमेटिक क्लाईमेट कन्ट्रोल, प्यानोरामिक सनरुफ, एड्जस्टेवल रियर सिट हेड रेस्ट, सेन्टर आर्मरेस्ट, रियर सनशेड, लेभल २ एडास र ३६०–डिग्री क्यामेरा राखिएको छ ।

सो नयाँ कारमा टाटाले आफ्नो ब्रान्ड न्यु १.५ लिटर टर्बो पेट्रोल इन्जिन उपलब्ध गराएको छ । जसले १६८ बीएचपी र २८० एनएम टर्क जेनरेट गर्दछ भने म्यानुअल र स्वचालित दुवै ट्रान्समिसनमा उपलब्ध हुनेछ । साथै, सिएरा १.५ लिटर प्राकृतिक रूपमा एस्पिरेटेड पेट्रोल इन्जिन र १.५ लिटर डिजेलको साथ पनि उपलब्ध हुनेछ ।