अब ओला स्कुटरमा क्रिकेट स्कोर र ह्वाट्सएप म्यासेज देखिने, स्मार्टवाचबाट पनि नियन्त्रण हुने

ओला इलेक्ट्रिकले आफ्ना सबै एस१ इलेक्ट्रिक स्कुटर तथा रोडस्टर एक्स मोटरसाइकलमा नयाँ सफ्टवेयर मुभओएस ५ अपडेट गरेको छ । सो अपडेट अघिल्लो वर्ष अगस्टमा बिटा संस्करणमा उपलब्ध गराइएको थियो भने अहिले सबै ग्राहकका लागि उपलब्ध गराइएको छ । कम्पनीका अनुसार, यसले प्रयोगकर्तालाई अझ सहज र स्मार्ट अनुभव प्रदान गर्नेछ। ग्राहकले सो अपडेट ओभर द एयर मार्फत सजिलै प्राप्त गर्न सक्नेछन्।

नयाँ मुभओएस ५ अपडेटसँगै विभिन्न आकर्षक तथा उपयोगी सुविधा पनि थपिएको छ । स्कुटरको स्क्रिनमा अब प्रत्यक्ष क्रिकेट स्कोर हेर्न सकिनेछ, साथै व्हाट्सएप सन्देश पनि देखिनेछ। त्यस्तै, अब स्मार्टवाच प्रयोग गरेर स्कुटर लक-अनलक गर्न, बुट स्पेस खोल्न सकिनेछ।

यस अपडेटमा समावेश भएका प्रमुख विशेषतामा भारत मोड नामको नयाँ नीलो थिम हो, जसमा नाचिरहेको मयूरको प्वाँखको झलक देखिन्छ । डीआईवाई मोड अन्तर्गत प्रयोगकर्ताले स्कुटरको पावर, टप स्पिड, एड्भान्स रिजन र थ्रोटल सेन्सटिभिटी पनि आफैँले सेट गर्न सक्छन् ।

स्मार्ट पार्किङ सुविधा अन्तर्गत स्कुटर पछाडि पार्किङ गर्दा अगाडि-पछाडि चल्न सक्छ र पार्क पछि आफैँ सामान्य मोडमा फर्कन्छ। रोड ट्रिप मोडले प्रयोगकर्तालाई समूह बनाएर अन्य ओला स्कुटरसँग मिलेर यात्रा योजना बनाउन सहयोग पुर्‍याउनेछ ।

दुर्घटनाको अवस्थामा, एसओएस अलर्ट सुविधा प्रयोग गरेर ५ सेकेन्डभित्र तीनवटा सेभ गरिएका सम्पर्कमा आपतकालीन सूचना पठाउन सकिनेछ । नोटिफिकेशन सेन्टरले सवारीमा रहेका एचएमआई स्क्रिनमार्फत मोबाइल सूचनाको स्मार्ट ढंगले व्यवस्थापन गर्न मद्दत गर्छ।

अपडेट नयाँ ओला इलेक्ट्रिक स्कुटरमा क्रिकेट स्कोर र मौसम सम्बन्धी प्रत्यक्ष जानकारी प्राप्त गर्न सकिनेछ । साथै यसमा फाइन्ड माइ भेइकल जस्ता सुविधा पनि उपलब्ध छ। सो सुविधा प्रयोग गरेर ग्राहकले भीडभाड वा कम दृश्यता भएको ठाउँमा स्कुटर सजिलै फेला पार्न सक्नेछन् । ओलाको यस अपडेटले इलेक्ट्रिक सवारी प्रयोगकर्तालाई अझ प्राविधिक, सुरक्षित र सुलभ बनाउने विश्वास गरिएको छ।