पहिलो पटक बाहिर आयो टाटा ह्यारियर ईभीको इन्टेरियर

टाटा मोटर्सले यसै वर्ष भारतीय बजारमा ह्यारियर ईभी लन्च गर्ने तयारी गरिरहेको छ । सोहि क्रममा कम्पनीले पुनेस्थित प्लान्टमा हालै यसको उत्पादन भर्सन प्रर्दशन समेत गरेको थियो । कम्पनीले हालै पहिलो पटक यस नयाँ ईभीको इन्टेरियरलाई आंशिक रुपमा सार्बजनिक गरेको हो ।

टाटा मोटर्सले जारी गरेको टिजरमा ह्यारियर ईभीको ड्यासबोट आउटलेट हुवहु आईसिई मोडलको जस्तै देखिएको छ । क्ष्ऋभ्–संचालित संस्करण जस्तै ड्यासबोर्ड लेआउट हुनेछ । टिजरले ईभी विशेष ग्राफिक्सको साथ ठूलो फ्लोटिंग टचस्क्रिन इन्फोटेनमेन्ट प्रणाली र डिजिटल उपकरण क्लस्टर प्रकट गरेको छ । सो नयाँ ईभीमा एलुमिनेटेड लोगोको साथ नयाँ फोर–स्पोक स्टेयरिङ ह्वील समेत आईसिई भर्सनबाटै लिइएको देख्न सकिन्छ ।

ह्यारियर ईभी ब्रान्डको जेन २ ईभी आर्किटेक्चरमा आधारित हुने सम्भावना देखिएको छ । टाटा मोटर्सले यस नयाँ ईभीलाई डुअल मोटर कन्फिगरेसनमा प्रस्ताव गरेको छ । साथै, यसमा ५०० किलोमिटर रेन्ज दिन सक्षम ७५ किलोवाट आवर क्षमताको ब्याट्री प्याक जडान हुनेछ ।

ह्यारियर ईभी लन्च भएपश्चात यसले हुन्डाई क्रेटा ईभी र मारुति सुजुकी ई भिटारासँग प्रतिस्पर्धा गर्ने अनुमान गरिएको छ । भारतियर बजारमा लन्च भएपनि सो नयाँ ईभी नेपाली बजारमा समेत उपलब्ध हुनेछ ।