हाम्रै नेपालमा : किन निकालियो सर्भिस सेन्टरमा अलपत्र मूल्यवान गाडी कवाडीमा मिल्काउने सूचना ?

गो अटो केयर प्रालिले आफ्नो परिसरमा रहेका सवारी साधनहरु लैजान सवारी धनीहरुका लागि सूचना प्रकाशित गरेको छ । मर्मत र पार्किङ शुल्क लगायतका शुल्क तिरेर सवारी साधन लैजान कम्पनीले सम्बन्धित सवारी धनीलाई अनुरोध गरेको हो ।

उक्त स्वारी साधन पटकपटक ताकेता गर्दा पनि नलगिएको हुँदा १५ दिनभित्र सम्पूर्ण खर्च ९मर्मत शुल्क, पार्किङ शुल्क० भुक्तानी गरी पार्किङ परिसरबाट उठाउन कम्पनीले अनुरोध गरेको छ ।

यस अवधिमा पनि सवारी साधनहरू नलिए कम्पनी जिम्मेवार नरहने र कवाडीको हिसाबमा मिल्काइने कम्पनीले चेतावनी दिएएको छ ।

कम्पनीका अनुसार ९ वटा सवारी साधन सर्भिस सेन्टरको परिसरमा छन् । यस्ता सवारी साधनहरुमा फोर्ड इन्डेभर, एभरेष्ट, फ्रिस्टाइल, फिगो र इकोस्पोर्ट लगायतका सवारी साधन छन् ।

किन छोडेका होलान् यी सवारी साधन ?
फोर्डका सवारी साधन सामान्यतः महंगो सवारी साधनमै पर्छन् । फोर्ड फिगो र फ्रिस्टाइल अलि कम मूल्यमै उपलब्ध हुन्छन् भने इन्डेभर, एभरेष्ट र इकोस्पोर्ट लगायतका सवारी अलि महंगो नै छन् । पहिले गो अटोमोबाइल्सले फोर्डका सवारी साधन बिक्री–वितरण गर्ने गरेको थियो । यद्यपि हाल भारतमा उत्पादन हुन छोडे पछि यी धेरै मोडल नेपालमा बिक्रीका लागि उपलब्ध छैनन् । तर पनि फोर्डले सर्भिसिङ र पार्ट्स लगायतका सुविधा भने उपलब्ध गराइरहेको छ ।

स्वयम्भूस्थित गो अटो केयर फोर्डको आधिकारिक सर्भिस सेन्टर हो । सो सर्भिस सेन्टरको परिसरमा अलपत्र अवस्थामा छोडिएका सवारी साधनको प्रसंग भने अलि फरक छ ।

खासगरी हाइड्रो पावर उत्पादनमा संलग्न कम्पनीको स्वामित्वमा रहेका यी सवारी साधनको मूल्य हृासकट्टीका कारण धेरै कम भइसकेको छ । त्यसैगरी कम्पनीको काम पनि समाप्त भइसकेको छ । यो अवस्थामा पुराना गाडी मर्मत खर्च तिरेर चलाउनु भन्दा त्यत्तिकै छोड्नु नै उचित हुने अवस्था समेत हुन्छ ।

यो अवस्थामा कतै लगेर पार्किङ शुल्क तिर्नु भन्दा बरु त्यत्तिकै छोडेको पाइन्छ । यसकारण नै कम्पनीले यी सवारी साधनलाई कवाडीको भाउमा बेच्नु पर्ने अवस्था आउने सक्ने स्रोतको भनाइ छ ।