बीएमडब्ल्युको नयाँ इलेक्ट्रिक स्कुटर सीई०२ चाँडै आउने, सामाजिक सञ्जालमा सार्वजनिक

बीएमडब्ल्युले चाँडै नै भारतीय बजारमा नयाँ इलेक्ट्रिक स्कुटर ल्याउने तयारी गरिरहेको छ । लन्च हुनुअघि कम्पनीले सामाजिक सञ्जालमा यसको बारेमा जानकारी दिँदै नयाँ टिजर सार्वजनिक गरेको छ ।

सामाजिक सञ्जालमा सार्वजनिक गरिएको टिजर अनुसार यसको डिजाइन सामान्य विद्युतीय स्कुटरभन्दा फरक हुनेछ । यसको डिजाइन कम्पनीले यस अघि लन्च गरेको सीई ०४ जस्तै हुनेछ । यद्यपी सो नयाँ स्कुटरमा केही परिवर्तन भने गरिने छ ।

हाल कम्पनीले यसको टिजर मात्रै सार्वजनिक गरेको छ । यसको अन्य जानकारी दिइएको छैन तर यसमा रहेको मोटरले करिब १५ हर्स पावर र यसमा रहेको ब्याट्रीले फुल चार्जमा करिब १०० किलोमिटरको रेन्ज दिने अनुमान गरिएको छ । सो स्कुटर बेल्ट ड्राइभ प्रविधिमा चल्नेछ ।

बीएमडब्ल्युले आफ्नो नयाँ स्कुटरमा धेरै उत्कृष्ट फिचर्स दिने अपेक्षा गरिएको छ । यसमा १४ इन्चको टायर प्रदान गर्न सकिन्छ। यसका साथै यसमा फ्रन्ट र रियर डिस्क ब्रेक, एबीएस, राइडिङका लागि मल्टिपल मोड, एलईडी हेडलाइट, रिभर्स गियर, की-लेस राइड, ३.५ इन्च डिजिटल इन्स्ट्रयुमेन्ट क्लस्टर, फ्ल्यास राइडिङ मोड, टाइप सी चार्जिङ पोर्ट, ब्लुटुथ कनेक्टिभिटी र युएसडी फोर्क जस्ता फिचर हुनेछ ।

रिपोर्टका अनुसार बीएमडब्ल्युले सो स्कुटर सेप्टेम्बर वा अक्टोबरको अन्त्यसम्ममा भारतीय बजारमा लन्च गर्न सक्नेछ । यसको मूल्य ५ देखि ६ लाख भारु हुन सक्ने अनुमान गरिएको छ ।