नयाँ ईभी कर नितीपछि बीएमडब्लू आईएक्स१ को मूल्य १ करोड ३० लाखले वृद्धि

काठमाडौंः बीएमडब्लू गाडीको नेपालका लागि आधिकारिक वितरक लक्ष्मी प्रिमियम मोटर्सले सरकारले लागू गरेको नयाँ कर नितीपछि बीएमडब्लूका विद्युतीय गाडीहरूको मूल्य संशोधन गरेको जनाएको छ ।

जसअन्तर्गत, बीएमडब्लू आईएक्स१ ई–ड्राइभ२० को मूल्य रु. १ करोड ९९ लाख ९६ हजारबाट बढेर ३ करोड २९ लाख ९६ हजार रुपैयाँ पुगेको छ । यस मोडेलको मूल्य एकैपटक १ कारोड ३० रुपैयाँ वृद्धि भएको हो ।

सरकारले आर्थिक वर्ष २०८३/८४ को बजेटमार्फत ईभीमा लाग्ने करको व्यवस्था परिवर्तन गरेपछि बीएमडब्लूका विद्युतीय गाडीको मूल्य एकैपटक भारी रकमले बढेको हो । नयाँ व्यवस्थाअनुसार अब ईभीमा लाग्ने कर मोटरको क्षमता भन्दा पनि गाडीको आयात मूल्यका आधारमा निर्धारण गरिनेछ । यसले विशेषगरी उच्च मूल्यका विद्युतीय गाडीहरूमा बढी प्रभाव परेको छ ।

नयाँ कर नितीले बीएमडब्लू आईइएक्स१ मात्र नभई ब्रान्डका अन्य विद्युतीय मोडलहरूको मूल्यमा पनि वृद्धि भएको लक्ष्मी प्रिमियम मोटर्सले जनाएको छ । नयाँ कर संरचनाका कारण विभिन्न मोडलमा फरक–फरक दरले मूल्य समायोजन गरिएको छ ।

नयाँ नीति लागू भएपछि प्रिमियम तथा लक्जरी ईभी ब्रान्ड सबैभन्दा बढी प्रभावित भएका छन् । यसले नेपालमा विद्युतीय सवारीसाधनको मूल्य संरचनामा ठूलो परिवर्तन ल्याएको छ ।

मूल्य वृद्धि भए पनि बीएमडब्लूका विद्युतीय गाडीहरूले अत्याधुनिक प्रविधि, उच्च सुरक्षा, उत्कृष्ट आरामदायी अनुभव तथा शून्य उत्सर्जनयुक्त ड्राइभिङ अनुभव प्रदान गरिरहने कम्पनीको भनाइ छ । नेपाली ग्राहकलाई बीएमडब्लूका नवीनतम विद्युतीय सवारीसाधन उपलब्ध गराउन आँफूहरु प्रतिबद्ध रहेको कम्पनीले जनाएको छ ।