बीएमडब्लूले ल्यायो इन्ट्री लेभलको नयाँ एड्भेन्चर मोटरसाइकल, मूल्य कति ?

बीएमडब्लू मोटोरार्ड इन्डियाले आफ्नो नयाँ इन्ट्री लेभल मोटरसाइकल एड्भेन्चर एफ ४५० जीएस लन्च गरेको छ । बेस, एक्सक्लुसिभ र जीएस ट्रफी गरी कुल तीन भेरिएन्टमा उपलब्ध यस मोटरसाइकलको सुरुवाती मूल्य ४ लाख ७० हजार भारु निर्धारण गरिएको छ ।

नयाँ मोडलले हाल बिक्री हुँदै आएको जी ३१० जीएसलाई प्रतिस्थापन गर्ने बताइएको छ । नयाँ मोटरसाइकललाई बीएमडब्लूले टीभएएको होसुर प्लान्टबाट रोलआउट गरेको हो ।

सो नयाँ मोटरसाइकलको डिजाइन आर १३०० जीएसबाट प्रेरित छ । यसमा क्वाड एलईडी डीआरएलएस सहतिको एलईडी हेडल्याम्प राखिएको छ ।

एफ ४५० मा नयाँ ४२० सीसी , लिक्वड कुल्ड, प्यारलल ट्विन इन्जिन जडान गरिएको छ, जसले ८,७५० आरपीएममा ४८ बीएपची पावर र ६,७५० आरपीएममा ४३ एनएम टर्क जेनेरेट गर्दछ । इन्जिनलाई ६ स्पिड गियर बक्ससंग जोडिएको छ ।

सो नयाँ मोटरसाइकलमा बीएमडब्लूलले यूएसडी फोर्क र पछाडि मोनोशक सस्पेन्सन उपलब्ध गराएको छ । बाइकको अगाडि १९ इन्चको ह्विल र पछाडि १७ इन्चको आकर्षक एलोई ह्विल राखिएका छन् । साथ, यसको ट्रफी भेरिएन्टमा अलि बलियो सेटअप छ, जसमा ट्युबलेस टायर सहितको वायरस्पोक ह्विल उपलब्ध गराइएको छ ।

मोटरसाइकलको बेस भेरिएन्टमा रेन, रोड र एन्डुरो गरी कुल तीनवटा राइडिङ मोडका साथ अप्सनमा बाई–डाइरेक्सनल क्विक शिफ्टर उपलब्ध गराएको छ । त्यसैगरी, एक्सक्लुसिभ र ट्रफी भेरिएन्टमा अतिरिक्त एन्डुरो प्रो मोड दिइएको छ । यी दुई भेरिएन्टमा एड्जस्टेवल सस्पेन्सन र बीएमडब्लूलको इजी राइड क्लच प्रणाली समेत पाउन सकिन्छ ।

बाइकमा ब्लुटुथ कनेक्टिभिटी, कर्नरिङ ट्र्याक्सन कन्ट्रोल, डायनमिक ब्रेक कन्ट्रोल सहतिको एबीएस र ६.५ इन्चको टीएफटी डिस्प्ले लगायत फिचर सामेल गरिएका छन् ।