बीएमडब्ल्युले यो बर्ष बिक्री गर्यो हालसम्मकै धेरै बाइक, ५ हजार युनिट बिक्री भएको दाबी

बीएमडब्ल्युले यो बर्ष भारतमा हालसम्मकै धेरै युनिट बाइक बिक्रि गरेको छ । कम्पनीका अनुसार यो बर्ष उसले कुल ५ हजार युनिट बाइक भारतमा बिक्री गरेको हो । जसलाई कम्पनीले हालसम्कै किर्तिमानिी बिक्री रेकर्ड भनेको छ । अघिल्लो बर्ष भारतमा जम्मा २ हजार ५ सय ६३ युनिट बाइक बिक्री भएकोमा यो बर्ष ९५ प्रतिशतले बढेर उक्त किर्तीमानी रेकर्ड हाँसिल भएको हो ।

भारतमा बीएमडब्ल्यु बाइकलाई टिभिएस मोटर्सको प्लानटमा उत्पादन गरिँदै आएको छ । ४ बर्षअघि भारत छिरेको यो ब्रान्डले २ महिना अघिमात्र जी ३१० आर र ३१० जीएसको उत्पादन १ लाख युनिट नाघेको बताएको थियो । टिभिएससंगको सहकार्यमा भारतमा उत्पादन हुने यो बाइकलाई कम्पनीले बिश्वका १२० देशमा निर्यात गर्दै आइरहेको छ । प्रिमियम सेग्मेन्टमा यसले भारत लगायत अन्य राष्ट्रमा समेत राम्रो बजार लिँदै गएको कम्पनीले बताएको छ ।

यी दुई मोडल बाहेक भारतमा यसको सि ४०० जिटी, आर १२०० जिएस/जिएसए, आर १८ क्लासिक, एस १००० आर र एम १००० आरआर जस्ता उच्च सिसी क्षमताका बाइकहरुको समेत कारोबार हुँदै आइरहेको छ ।

बीएमडब्ल्युले ४ बर्षपछि जि ३१० ट्विनको नयाँ मोडल बिएस ६ भर्सनलाई हालै बजारमा उतारेको छ । जुन टिभिएसले सार्बजनिक गरेको अपाचे आरआर ३१० बिएस ६ भर्सनमा आधारित रहेको छ । यी दुबै बाइकमा ३१२ सिसी क्षमताको सिंगल सिलिन्डर, फ्युल इन्जेक्टेड, लिक्विड कुल्ड इन्जिन जडान गरिएको छ । यी बाइकलाई नेपाल ल्याउने तयारी स्वरुप आधिकारिक बितरक हिमालयन मोटोरार्डले बुकिङ समेत खुल्ला गरिसकेको छ ।