बीएमडब्ल्युको पहिलो इलेक्टिक एसयूभी आईएक्स लन्च, ६११ किमी सम्म रेन्ज दिने

बीएमडब्ल्यु आईएक्स इलेक्ट्रिक एसयूभी भारतमा लन्च गरिएको छ । कम्पनीले भारतीय बजारमा आफ्नो पहिलो इलेक्ट्रिक कार बीएमडब्ल्यु आईएक्सको मूल्य १ करोड १६ लाख भारु तोकेको छ । आकर्षक लुक र अत्यधिक प्रिमियम फिचरले सुसज्जित यो इलेक्ट्रिक कारले युरो एनसीएपी क्र्यास टेस्टमा सबै परीक्षण विधाहरूमा ५ स्टार रेटिङ प्राप्त गरेको छ ।

बीएमडब्ल्यु आईएक्स कम्पनीको फ्ल्यागसिप इलेक्ट्रिक कार हो । बीएमडब्ल्यु आईएक्स भारतमा मर्सिडिज बेन्ज ईक्युसी, औडी ई–ट्रोन र पोर्स टेक्यानसँग प्रतिस्पर्धा गर्नेछ ।

भेरिएन्ट
बीएमडब्ल्यु आईएक्स अल न्यु आल्मुनियम फ्रेममा आधारित छ र आकारमा लगभग बीएमडब्ल्यु एक्स५ बराबर छ । कारमा बीएमडब्ल्युको पाँचौं पुस्ताको अल–इलेक्ट्रिक प्लेटफर्म प्रयोग गरिएको छ, जसमा दुईवटा इलेक्ट्रिक मोटरहरू समावेश छ । बीएमडब्ल्यु दुई भेरिएन्ट एक्सड्राइभ ४० र एक्सड्राइभ ५० मा उपलब्ध छ ।

ड्राइभिङ रेन्ज
बीएमडब्ल्यु आईएक्स ४० ड्राइभ भेरिएन्टमा ७१ केडब्ल्युएच ब्याट्री उपलब्ध छ । यो ब्याट्री एक पटक चार्जमा अधिकतम ४१४ किमीको रेन्ज प्रदान गर्छ । डुअल मोटर्सले ३२२ बीएचपी र ६३० एनएम जेनेरेट गर्छ । जबकि एक्सड्राइभ ५० भेरिएन्टमा १०५.२ केडब्ल्यु ब्याट्री उपलब्ध छ, जसले अधिकतम ६११ किमीको रेन्ज प्रदान गर्छ । सो भेरिएन्टले ५१६ बीएचपी पावर र ७६५ एनएम टर्क जेनेरेट गर्छ र ४.६ सेकेन्डमा ० देखि १०० किलोमिटर प्रतिघण्टाको गति लिन सक्छ ।

ब्याट्री र चार्जिङ
बीएमडब्ल्युमा फास्ट चार्जिङ सिस्टमको विकल्प पनि छ, जसले डीसी फास्ट चार्जिङलाई १९५ केडब्ल्युसम्म सक्षम बनाउँछ । यसमा एक्सड्राइभ ५० भेरिएन्टको ब्याट्री १० देखि ८० प्रतिशतसम्म चार्ज हुन ३५ मिनेटको समय लाग्छ । जबकि आईएक्स एक्सड्राइभ ४० लाई डीसी चार्जरको माध्यमले १० देखि ८० प्रतिशतसम्म चार्ज हुन ३१ मिनेट समय लाग्छ ।

लुक र स्टाइल
बीएमडब्ल्यु एक्सआईको डिजाइन स्लिक स्टाइल र आकर्षक लुकले सजिलै ध्यान खिच्छ । यसमा कालो थिमसहितको ठुलो ग्रिल छ, जसमा स्लिक एलईडी हेडल्याम्प छ, जुन डुअल–बीम जस्तै देखिन्छ । फ्रन्टको बम्परमा निलो एक्सेन्ट समावेश गरिएको छ र बोनेट पनि आकर्षक र मस्क्युलिन लुकमा उपलब्ध छ । कारको रियर प्रोफाइलमा स्लिक एलईडी टेललाइट, स्पोर्टी रूफ स्पोइलर र निलो एक्सेन्टसहित कालो बम्पर पनि छ । एसयूभीको स्लोपिङ रुफलाइनले यसको स्टाइल थप आकर्षक बनाएको छ ।

इन्टेरियर र फिचर
बीएमडब्ल्यु आईएक्सको डेडिकेटेड इलेक्ट्रिक आर्किटेक्चरको कारणले एक्स७ को तुलनामा बढी स्पेस छ । आईएक्समा फ्ल्याट फर्श र प्राकृतिक सामग्री सहितको ठुलो इन्टेरियर उपलब्ध छ । कारमा नयाँ माइक्रोफाइबर कपडा सहित सिटमा पुनः प्रयोग गर्न मिल्ने प्लास्टिक पनि प्रयोग गरिएको छ ।

डिस्प्ले
कारमा हेक्सागोनल स्टेयरिङ ह्वील र ठुलो कव्र्ड डिस्प्ले समावेश गरिएको छ । जसले इन्स्ट्रयुमेन्ट क्लस्टर र इन्फोटेनमेन्ट युनिटको रूपमा काम गर्छ । सिंगल पिस कर्भ ग्लासमा १२.३ इन्चको इन्स्ट्रयुमेन्ट क्लस्टर र १४.९ इन्चको इन्फोटेनमेन्ट डिस्प्ले राखिएको छ, जुन दुवै ड्राइभर साइडमा छ । यसमा पुनः डिजाइन गरिएको हेड–अप डिस्प्ले पनि समावेश गरिएको छ ।

सेन्ट्रल कन्सोल
सो एसयूभीमा कुनै सेन्ट्रल कन्सोल छैन । ड्राइभ सिलेक्ट र बीएमडब्ल्युको आईड्राइभ रोटरी नियन्त्रणको लागि आर्मरेस्टको अगाडिको भागमा सेट गरिएको छ । अन्य कन्ट्रोल डोर ट्रिमको माथि सेट गरिएको छ । आईएक्समा ६५० लिटरको बुट स्पेस रहेको छ ।

सेफ्टी रेटिङ
बीएमडब्ल्यु आईएक्सले सेफ्टी रेटिङको लागि ५ स्टार पाएको छ । एसयूभीलाई साइडबाट हुने ठक्करको घटनामा अतिरिक्त सुरक्षा प्रदान गर्छ । बीएमडब्ल्यु आईएक्सको पछिल्लो भागमा रहेको चाइल्ड ओक्युपेन्ट प्रोटेक्सनलाई पनि फ्रन्ट र साइडबाट हुने ठक्करको लागि उच्चतम सम्भावित स्कोर दिइएको छ ।

फ्रन्ट ठक्कर वार्निङ सिस्टम
बीएमडब्ल्युमा ब्रेक इन्टरभेसनको साथ फ्रन्ट ठक्कर वार्निङ सिस्टम रहेको छ । जसले पैदल यात्री र साइकल चालकको साथै सवारी साधनहरु पत्ता लगाउन सक्छ । यसको साथै अटोमेटिक इमरजेन्सी ब्रेकिङ सिस्टम मोडिएको अवस्थामा पनि प्रतिक्रिया दिन्छ ।