यस्तो छ ओला रोडस्टर प्रोको विशेषताहरु,टचस्क्रिन डिस्प्लेदेखि ५७९ किलोमिटरको रेन्जसम्म

ओला इलेक्ट्रिकले आफ्नो लोकप्रिय इलेक्ट्रिक मोटरसाइकल भारतमा लन्च गरेको छ । ओलाले आफ्नो रोडस्टर सिरिजको इलेक्ट्रिक बाइकमा रोडस्टर एक्स, रोडस्टर र रोडस्टर प्रो गरी ३ भेरिएन्ट समावेश गरेको छ । सो ३ वटै इलेक्ट्रिक मोटरसाइकल फरक फरक ब्याट्री प्याकले सुसज्जित छ ।

ओला रोडस्टर प्रो कम्पनीको प्रमुख इलेक्ट्रिक मोटरसाइकल हो । यसले भारतीय इलेक्ट्रिक मोटरसाइकल बजारमा अल्ट्राभायोलेट एफ७७ म्याक २ सँग प्रतिस्पर्धा गर्नेछ ।

ओला रोडस्टर प्रो २ फरक ब्याट्री प्याक विकल्पमा उपलब्ध छ । यसको बेस भर्सनमा ८ किलोवाट ब्याट्री प्याक समावेश छ, जसलाई २.२ किलोवाटको होम चार्जर प्रयोग गरेर ३.७ घण्टामा ० देखि १०० प्रतिशत चार्ज गर्न सकिन्छ । यसको टप भर्सनमा १६ किलोवाट ब्याट्री प्याक समावेश छ, जसलाई २.२ किलोवाट होम चार्जर प्रयोग गरेर ० देखि १०० प्रतिशत चार्ज हुन ७.५ घण्टा लाग्छ ।

ओला रोडस्टर प्रो इलेक्ट्रिक मोटरसाइकलमा ब्लुटुथ जडानको साथ १० इन्चको टचस्क्रिन टीएफटी डिस्प्ले समावेश छ । यसमा इलेक्ट्रिक मोटर जडान गरिएको छ, यो सबै रोडस्टर सिरिजका इलेक्ट्रिक मोटरसाइकलमध्ये सबैभन्दा शक्तिशाली मोटर हो । सो मोटरले ब्याट्री प्याक विकल्प बिना ७० बीएचपीको पीक पावर प्रदान गर्न सक्षम छ । यसमा हाइपर, स्पोर्ट, नर्मल र इको गरी ४ राइड मोडमा उपलब्ध छ ।

ओला रोडस्टर प्रो इलेक्ट्रिक मोटरसाइकल एक पटक चार्जमा ५७९ किलोमिटरसम्मको रेन्ज दिने दाबी गरिएको छ । ८ किलोवाट ब्याट्री प्याक भएको भेरिएन्टले एक पटक फुल चार्जमा ३१६ किलोमिटर र १६ किलोवाट ब्याट्री प्याकले सुसज्जित मोडल एक पटक चार्जमा ५७९ किलोमिटरसम्म रेन्ज दिने दाबी गरिएको छ ।

ओला रोडस्टर प्रोको सानो ब्याट्री प्याक भर्सनले १५४ किलोमिटर प्रति घन्टा र ठुलो ब्याट्री प्याक भर्सनले १९४ किलोमिटर प्रति घन्टा गति दिन्छ ।