ओलाको वाटर प्रुफ इलेक्ट्रिक स्कुटर, सामाजिक सञ्जालमा चर्चाको विषय

देशका धेरै सहरमा वर्षाको कहर देखिएको छ । वर्षा याममा सडक पानीले डुबानमा पर्दा दुई पाङ्ग्रे होस् वा चार पाङ्ग्रे सवारीसाधन क्षति हुने सम्भावना रहन्छ । बढी पानीमा गाडीको साइलेन्सर पानीमा डुब्न सक्छ, जसको कारण इन्जिनमा पानी पसेर क्षति पुग्न सक्छ । वास्तवमा, वर्षाको मौसममा दुई पाङ्ग्रे इलेक्ट्रिक सवारीसाधन बढी जोखिममा हुन्छ ।

वर्षाको मौसममा ओलाको एस१ प्रो इलेक्ट्रिक स्कुटर सामाजिक सञ्जालमा भाइरल भइरहेको छ । ओलाको सो स्कुटर मार्च ३१, २०२३ मा एक युट्युबर अकि डि हट पिस्टन्जले समुद्रमुनि चलाएको भिडियो सार्वजनिक भएको हो । उक्त भिडियोमा सो स्कुटर वाटर प्रुफ इलेक्ट्रिक स्कुटर भएको पुष्टि गरेको छ ।

सो भिडियोमा युट्युवरले आफ्नो स्कुटर पूर्ण रूपमा समुन्द्रमा डुबाएका छन् । पानी मुनि पनि सो इलेक्ट्रिक स्कुटर निरन्तर चलाइरहेको थियो र यसको मोटरले पनि काम गरिरहेको थियो । पानीबाट स्कुटर निकाल्दा पनि स्कुटरको डिस्प्ले, हर्न, इन्डिकेटर र स्पिकर राम्ररी काम गरिरहेको थियो । तर पनि स्कुटरको चार्जिङ प्लग भित्र एक थोपा पानी पनि पसेको थिएन ।

सो स्कुटर ओला एस१ प्रो दोस्रो पुस्ताको मोडल हो । यसले २.९ सेकेन्डमा ० देखि ४० किलोमिटर प्रति घण्टाको गति लिन सक्छ । यसको टप स्पिड प्रति घण्टा ११६ किलोमिटर छ र सिंगल चार्जमा १८१ किलोमिटरको रेन्ज प्रदान गर्न सक्छ । यसमा ७ इन्चको टीएफटी डिस्प्ले समावेश छ । सो मोडेलको हार्डवेयरमा ट्युबुलर फ्रेम, सिंगल फ्रन्ट फोर्क र रियर मोनो-शक समावेश छ।