फिचर र डिजाइनमा अपडेट भएर आयो इसुजु डि–म्याक्स भी–क्रस

इसुजुले आफ्नो लोकप्रिय पिकअप ट्रक डि–म्याक्स भी–क्रसलाई अपडेट गरेर ल्याएको छ । सो पिकअपको २०२४ मोडललाई कम्पनीले थाईल्यान्डमा सार्वजनिक गरेको हो । जुन सन् २०१९ मा लन्च भएको थर्ड जेनेरेशनमा आधारित रहेको छ ।

सो नयाँ मोडलमा कम्पनीले डिजाइन, टक्नोलोजी र सेफ्टि फिचर्समा ब्यापक परिवर्तन गरेको छ । यसको फ्रन्ट ग्रिल निकै मस्कुलर देखिएको छ भने हेडलाइट र टेलगेट र नयाँ दिइएको छ । साथै यसमा मेट ब्ल्याक कलरमा १८ इन्चको एलोई ह्विल पाउन सकिन्छ ।

डुअल टोन इन्टेरियर दिइएको सो पिकअपमा ९ इन्चको टचस्क्रिन इन्फोटेन्मेन्ट सिस्टम र ७ इन्चको डिजिटल डिस्प्ले दिइएको छ । साथै यसमा एडिएएस सहतिको इन्जिन स्टार्ट फंक्सन र एडप्टिभ क्रुज कन्ट्रोल लगायत फिचर समेत पाउन सकिन्छ ।

१.९ र ३.० लिटर डिजेल इन्जिनमा उपलब्ध यसको पावर क्रमश १४८ बीएचपी र १८७ बीएचपी रहेको छ भने टर्क ३५० तथा ४५० एनएम छ । यसमा ६ स्पिड म्यानुअल र अटोमेटिक ट्रान्समिसनको विकल्प पाउन सकिन्छ । डि–म्याक्स भी–क्रस नेपाली बजारमा समेत उपलब्ध रहँदै आएको लाइफस्टायल पिकअप ट्रक हो । नेपालमा यो भारतबाट आयत हुँदै आएको छ ।