नयाँ इन्जिनसहित लन्च गर्ने तयारीमा यामाहा आरएक्स१००

यामाहाले चाँडै नै आफ्नो सबैभन्दा लोकप्रिय बाइक आरएक्स१०० बाइक नयाँ इन्जिन सहित पुन भारतीय बजारमा लन्च गर्ने तयारी गरिरहेको छ ।

भारतमा यामाहा आरएक्स१०० पहिलो पटक सन् १९८५ मा लन्च गरिएको थियो । सो बाइक लन्च हुँदा यसको लोकप्रियता निकै चुलिएको थियो र यसको माग पनि बढी थियो । सेकेन्ड ह्याण्ड बजारमा पनि यसको लोकप्रियता थियो । यामाहा आरएक्स१०० कम्पनीले बनाएको उत्कृष्ट बाइक मध्ये एक मानिन्छ ।

कम्पनीले मार्च १९९६ मा यसको उत्पादन बन्द गरेको थियो । तर अब यो बाइक भारतीय बजारमा पुनरागमन गर्ने तयारीमा छ ।

रिपोर्टका अनुसार नयाँ बाइक आरएक्स नेमप्लेटसँग प्रस्तुत हुनेछ, तर यसको नाम आरएक्स१०० भन्दा फरक हुने सम्भावना छ । सो बाइकमा २२५.९ सीसी इन्जिन समावेश हुनेछ, जसले २०.१ बीएचपीको पावर र १९.९३ एनएमको टर्क जेनेरेट गर्नेछ ।

डिजाइन र लुक्सको बारेमा कुरा गर्दा नयाँ बाइक आरएक्स१०० मा आधारित हुने सम्भावना रहेको हुनाले नयाँ मोडलमा पुरानो मोडलका केही झलक देखिनेछ । रिपोर्टका अनुसार सो बाइकको मूल्य १ लाख २५ हजार र १ लाख ५० हजार भारु बीच हुने दाबी पनि गरिएको छ ।