भी३ पछि यामाहाले ल्यायो आर१५ भी४

यामाहाले भारतीय बजारमा डिजिटल माध्यमबाट आर१५ भी४ मोटरसाइकल लन्च गरेको छ । नयाा डिजाइन र धेरै फ्रेस फिचरले आर१५ का अन्य मोडल भन्दा यसलाई केही उच्च श्रेणी प्रदान गरेको छ ।

यामाहाको आर७ बाट धेरै मात्रामा प्रभावित यो मोटरसाइकलमा सिंगल प्रोजेक्टर हेडल्याम्प छ भने आई लाइक एग्रेसिभ देखिने डीआरएल छन् । यसमा भएको नयाँ साइड फेयरिङले यसलाई अझै ठूलो बनाएको छ ।

यो मोटरसाइकलमा ट्रयाक्सन कन्ट्रोल, क्विकसिफ्टर र ब्लुटुथ कनेक्टिभिटी छ । यसमा भएको १५५ सीसी इन्जिनले १८.३५ पीएस पावर दिन्छ, जुन पुरानो भर्सन भन्दा ०.२५ पीएस कम हो । त्यसैगरी यसले १४.२ एनएम टर्क जेनेरेट गर्छ ।

मेटालिक रेड, डार्क नाइट र रेसिङ ब्लु गरी तीन कलर अप्सनमा यो मोटरसाइकल उपलब्ध हुनेछ । यी मोटरसाइकलको मूल्य क्रमशः १ लाख ६७ हजार ८ सय, १ लाख ६८ हजार ८ सय र १ लाख ७२ हजार ८ सय भारु तोकिएको छ । रेसिङ ब्लुमा मात्र क्विकसिफ्टर रहेकोले यसलाई माथिल्लो मूल्य तोकिएको बताइएको छ ।

नेपाली बजारमा पनि भविष्यमा यो मोटरसाइकल उपलब्ध हुन सक्छ । यसको मूल्य ४ लाख ८१ हजार ९ सय रुपैयाँ छ । आर१५ भी४ नेपाली बजारमा आयो भने यसको मूल्य ५ लाख रुपैयाँ भनदा बढी नै पर्न सक्छ ।