यामाहा एफजेड–एस एफआई भी३ को डिलक्स भेरिएन्ट नेपाली बजारमा

यामाहा मोटरसाइकल तथा स्कुटरको नेपालका लागि आधिकारिक वितरक एमएडब्लू इन्टरप्राइजेजले एफजेड–एस एफआई भी३ को नयाँ डिलक्स संस्करण सार्वजनिक गरेको छ । यो विशेष मोटरसाइकल मेटालिक ग्रे र नेभी ब्लुको नयाँ रङहरूमा उपलब्ध हुने कम्पनीले जनाएको छ ।

नयाँ ब्याकलाइट डिजाइनले यस मोटरसाइकलको लुक्समा आधुनिकता झल्काएको छ । यो मोटरसाइकल उत्कृष्ट ह्यान्डलिंग र मस्कुलर डिजाइनका लागि प्रतिष्ठित रहेको कम्पनी भनाई छ । यसमा १४९ सीसीको फ्युल इन्जेक्शन इन्जिन जडान गरिएको छ । यो मोटरसाइकलमा डुअल डिस्क ब्रेक र अगाडि एकल च्यानल एबीएस पाउन सकिन्छ ।

एमएडब्लू ईन्टरप्राइजेज टू व्हिलर डिभिजनका सीईओ राजु क्षेत्रीका अनुसार यो धेरै मोटरसाइकल प्रेमीहरूको मनमा बस्न सफल मोडेल हो । ‘त्यसैले हामी यसको नयाँ रङ विकल्पहरू, नेभी ब्लू र मेटालिक ग्रे तथा राइडिङको अनुभव बढाउने रोमाञ्चक अपडेटहरू सहितको नयाँ भेरियन्ट सार्वजनिक गर्न पाउँदा हर्षित छौं’ उनले भने ।

यामाहा एफजेड सिरिजले नेपाली बजारमा २००८ देखि आफ्नो विरासत बनाइरहेको छ ।