यामाहाले देखायो इलेक्ट्रिक मिनी रेस बाइक र सेल्फ ब्यालेन्सिङ स्कुटरको कन्सेप्ट

यामाहाले दुई नयाँ इलेक्ट्रिक टु–ह्विलरको कन्सेप्ट देखाएको छ । १२ दिनपछि आयोजना हुने जापान मोबीलीटी शोको पूर्वसन्ध्यामा कम्पनीले ई–एफभी इलेक्ट्रिक मिनी रेस बाइक र इलोभ सेल्फ ब्यालेन्सिङ स्कुटरको कन्सेप्ट सार्बजनिक गरेको हो । उक्त शोमा यी बाइकलाई पनि शोकेस गरिने कम्पनीले जनाएको छ ।

कम्पनीले ल्याउन लागेको ई–एफभी इलेक्ट्रिक मिनी रेस बाइक बिल्कुलै नयाँ प्रबिधीको हुने जनाइएको छ । सो नयाँ बाइकलाई भ्वाइस कमान्ड मार्फत गुडाउन सकिने कम्पनीले दावी गरेको छ । साथै यो बाइक चलाउन निकै सजिलो र जसले पनि सहजै हाँक्न सक्नेछन् ।

यसैगरी अर्को सेल्फ ब्यालेन्सिङ स्कुटरमा यामाहा आँफैले बिकास गरेको एड्भान्स्ड मोटरसाइकल स्ट्याबिलिटी एसिस्ट सिस्टम दिइएको छ । सो सिस्टमलाई प्रयोगमा ल्याएर कम्पनीले सन् २०५० सम्ममा बाइक दुर्घटनाबाट हुने मृत्यूलाई सून्यमा झार्ने लक्ष्य लिएको छ ।

यी नयाँ बाइकमा कुन साइजको ब्याट्री कती क्षमताको मोटर जडान गरिँदैछ भन्ने विषयमा कम्पनीले हालसम्म कुनै जानकारी वाहिर ल्याएको छैन । साथै यसको अनुमानित रेन्ज, मूल्य र अन्य फिचरलाई समेत सार्बजनिक गरिएको छैन ।