याडिया भेलाक्समा सीमित स्टक अफर, ४० हजार कम मूल्यमा स्कुटर

काठमाडौं – लगातार ८ वर्षसम्म विश्वको नम्बर १ इलेक्ट्रिक दुईपांग्रे ब्रान्ड बनेको याडियाले नेपालमा आफ्नो भेलाक्स मोडलमा विशेष सीमित स्टक अफर ल्याएको छ । नेपालका लागि याडियाको एकमात्र आधिकारिक वितरक कुजु नेपाल प्रालिले यस उच्च प्रदर्शनयुक्त इलेक्ट्रिक बाइकको मूल्य घटाएर २ लाख ४५ हजार रुपैयाँ मात्र निर्धारण गरेको छ, जुन अघिल्लो मूल्य २ लाख ८५ हजार रुपैयाँ थियो ।

यो अफर याडियाको विश्वव्यापी उपलब्धि र ७० लाखभन्दा बढी युनिट बिक्रीको उत्सवको अवसरमा ल्याइएको हो । भेलाक्स विशेष गरी ती सवारहरूको लागि डिजाइन गरिएको हो जसले उच्च प्रदर्शन र भरपर्दो क्षमता दुवै खोज्छन् ।

भेलाक्समा ३,२०० वाट मोटर र १७२ एनएम टर्क रहेको छ जसले ६२ किमी प्रतिघण्टा सम्मको उच्चतम गति प्रदान गर्छ। एक पटक चार्ज गर्दा यसले १०० किमी सम्म यात्रा गर्न सक्छ । ३० एएच र ७२ भोल्ट एलएफपी ब्याट्रीले सुरक्षा, थर्मल स्थिरता र लामो जीवनचक्र सुनिश्चित गर्छ ।

भेलाक्सका विशेषताहरूमा सजिलो पार्किङका लागि रिभर्स मोड, लामो यात्राका लागि क्रुज कन्ट्रोल, फ्रन्ट÷रियर डिस्क ब्रेक सिस्टम विथ सीबीएस र १७० एमएम ग्राउन्ड क्लियरेन्स समावेश छन् । याडियाले भेलाक्समा ब्याट्री र मोटर दुवैका लागि ३ वर्ष वा ५० हजार किमी वारेन्टी प्रदान गर्दै लामो समयसम्मको निश्चिन्तता सुनिश्चित गरेको छ।

कुजु नेपाल प्रालिका अनुसार, नयाँ २ लाख ४५ हजार मूल्य सीमित स्टकका लागि मात्र लागू हुनेछ र स्टक सकिएपछि भेलाक्स पुनः अघिल्लो मूल्यमा उपलब्ध हुनेछ । याडिया १०० भन्दा बढी देशहरूमा सञ्चालनमा रहेको विश्वव्यापी इलेक्ट्रिक मोबिलिटी ब्रान्ड हो। कुजु नेपाल प्रालिले २०२० देखि नेपालमा यसको आधिकारिक वितरकको रूपमा काम गर्दै आएको छ।