यो दशैंमा नयाँ इलेक्ट्रिक स्कुटर याडिया ओविन भित्रिने

काठमाडौं – नेपालका लागि याडिया इलेक्ट्रिक स्कुटरको आधिकारिक वितरक कुजु नेपाल प्रालिले नेपालमा चाँडै नै याडियाको अर्को मोडलको स्कुटर याडिया ओविन ल्याउने घोषणा गरेको छ ।

आधुनिक प्रविधि र आकर्षक डिजाइनको संगम भएको यो रेट्रो–मोडर्न इलेक्ट्रिक स्कुटरले नेपाली सहरका सडकमा नयाँ अनुभव दिने कम्पनीको भनाइ छ ।

इटालियन प्रेरित स्टाइलिङमा बनेको ओविनले याडियाको विश्वस्तरीय विश्वासिलो प्रविधि प्रस्तुत गर्छ। सहर भित्र सहज र वातावरणमैत्री यात्राको लागि यो स्कुटरमा शक्तिशाली २८०० वाट पिकमोटर, ७२ भोल्ट ३० एएच ब्याट्री र एक पटक चार्जमा अधिकतम १०५ किमीको रेन्ज उपलब्ध भएको कम्पनीले जानकारी दिएको छ ।

यसमा क्रुज कन्ट्रोल र रिभर्स मोडजस्ता आधुनिक सुविधाहरू दिइएकोछ, जसले दैनिक यात्रालाई अझ सहज र आरामदायी बनाउँछ।

प्रत्येक याडिया उत्पादन झैं, ओविनसँग पनि ३ वर्ष वा ५० हजार किलोमिटर सम्मको वारेन्टी उपलब्ध हुनेछ । यसले दीर्घकालीन विश्वसनीयता सुनिश्चित गर्छ।

याडिया ओविन केवल स्कुटर मात्र नभई, स्टाइलिस र दिगो मोबिलिटीको नयाँ युगको प्रतिनिधित्व समेत भएको र यो सजिलो, आत्मविश्वासी र रमाइलो यात्राको लागि उपयुक्त भएको समेत कुजु नेपालले जनाएको छ ।

आगामी दशैमा नेपालभर रहेका कुजु नेपालको डिलरमा सो स्कुटर उपलब्ध हुने र औपचारिक लन्च समेत त्यही समयमा हुने बताइएको छ ।