याडिया ओविन इलेक्ट्रिक स्कुटर नेपालमा सार्वजनिक, दशै विशेष मूल्य २ लाख १० हजार

काठमाडौं - नेपालका लागि याडियाको आधिकारिक वितरक कुजु नेपाल प्रालिले नयाँ इलेक्ट्रिक स्कुटर याडिया ओविन आधिकारिक रुपमा सार्वजनिक गरेको छ ।

इटालियन शैलीबाट प्रेरित रेट्रो-मोडर्न डिजाइन र याडियाको अत्याधुनिक प्रविधिको संयोजनमा तयार भएको ओविनलाई यस वर्षको सबैभन्दा अपेक्षित इलेक्ट्रिक स्कुटरको रूपमा लिइएको छ।

स्मार्ट सिटी कम्युटिङका लागि निर्मित सो स्कुटरमा शक्तिशाली २८०० वाट पिक आउटपुट मोटर र भरपर्दो ७२ भोल्ट ३० एएच एलएफपी ब्याट्री छ भने १०५ किमी सम्मको रेन्जसहित सहज र वातावरणमैत्री सवारी अनुभव दिन्छ। साथै, क्रुज कन्ट्रोल र रिभर्स असिस्ट जस्ता सुविधाले यात्रालाई अझ सजिलो र आरामदायी बनाउँछ।

याडिया ओविन इलेक्ट्रिक स्कुटरको मूल्य २ लाख ३५ हजार रुपैयाँ तोकिएको छ । तर हाल नेपालमा चलिरहेको चाडपर्वको सन्दर्भमा दशै विशेष र याडियाले लगातार ८ वर्ष सम्म विश्वको नम्बर १ उपाधि हासिल गरेको अवसरमा यसको विशेष मूल्य २ लाख १० हजार रुपैयाँ तोकिएको बताइएको छ । सीमित स्टकका लागि मात्र यो मूल्य उपलब्ध हुने कम्पनीको भनाइ छ ।

याडियाका अन्य उत्पादनमा जस्तै ओविनमा पनि ३ वर्ष वा ५० हजार किलोमिटर सम्मको वारेन्टी उपलब्ध हुनेछ, जसले दीर्घकालीन विश्वास र शान्ति सुनिश्चित गर्ने बताइएको छ ।

कुजु नेपालका प्रवक्ताले भने, ‘ओविन केवल स्कुटर मात्र होइन, यसले नेपाली राइडरलाई नयाँ पुस्ताको स्टाइलिस, स्मार्ट र दिगो मोबिलिटीको अनुभव दिनेछ । यो दशै विशेष अफर हाम्रा ग्राहकहरुसँग मिलेर याडियाको विश्वव्यापी सफलता मनाउने अवसर हो ।’

याडिया लगातार ८ वर्षदेखि विश्वकै नम्बर १ इलेक्ट्रिक दुईपांग्रे ब्रान्ड बन्न सफल कम्पनी हो । हालसम्म १०० भन्दा बढी देशका ७ करोड भन्दा बढी प्रयोगकर्ताले विश्वास गरको याडियाले निरन्तर आरएन्डडी नवप्रवर्तन र विश्वव्यापी नेतृत्वमार्फत हरित मोबिलिटीको भविष्य निर्माण गरिरहेको बताएको छ ।