शाओमीले स्काई नोमाड सिरिज अन्तर्गत २ नयाँ एसयूभी ल्याउँदै

शाओमीले पहिलो पटक एक्सटेन्डेट रेन्ज भएको इलेक्ट्रिक ईभी सिरिज स्काई नोमाड सार्वजनिक गर्ने तयारी गरेको छ। यसअन्तर्गत एन९० म्याक्स र एन७० म्याक्स नामका २ नयाँ एसयूभी मोडल जुलाई ३० मा लन्च गर्ने भएको छ ।

यो कुनलुन टेक्नोलोजी आर्किटेक्चरमा आधारित छ । स्काई नोमाड सिरिजलाई लिभिङ स्पेसको रूपमा डिजाइन गरेको छ। यसमा फ्ल्याट फ्लोर, लामो सिट रेल र घुमाउन मिल्ने फ्रन्‍ट सिट उपलब्ध छ, जसले गाडीभित्र स्टुडियो, क्याफे र लजजस्तै अनुभव प्रदान गर्ने कम्पनीको दाबी छ।

एन९० म्याक्स ७ सिट क्षमताको एसयूभी हो। यसको लम्बाइ ५२८५ एमएम र ह्विलबेस ३०८० एमएम रहेको छ। यसमा २+२+३ सिटिङ लेआउट प्रयोग गरिएको छ । सेफ्टीका लागि २२०० मेगापास्कल क्षमताको हाई स्ट्रेन्थ स्टिलबाट बनेको आर्मर केज संरचना प्रयोग गरिएको छ। कम्पनीका अनुसार यसको छानाले १४ टनसम्मको भार सहन सक्ने क्षमता राख्छ। एन७० म्याक्स ५ सिट क्षमताको अल ह्लिल ड्राइभ एसयूभी हो। यसको लम्बाइ ४९६० एमएम र ह्विलबेस २९५० एमएम रहेको छ।

सो नयाँ सवारीसाधनमा हार्बिन डोङआन अटोमोटिभ इन्जिनद्वारा निर्मित १.५ लिटर क्षमताको इन्जिन जडान गरिएको छ । स्काई नोमाड सिरिजमा अधिकतम ७६ किलोवाट आवर क्षमताको ब्याट्री प्याक उपलब्ध हुनेछ। यसले फुल चार्जमा ३८० देखि ५०५ किलोमिटरसम्म रेन्ज प्रदान गर्छ । ब्याट्रीको डिस्चार्ज भएपछि पनि यसको इन्धन खपत ५.७ प्रति १०० किलोमिटरमा रहने कम्पनीको दाबी छ।