फक्सवागनले भेन्टोको स्थानमा भर्टस ल्याउने, यस्तो हुनेछ विशेषता

जर्मन कार निर्माता कम्पनी फक्सवागनले नयाँ मिड साइज एसयूभी भर्टस बजारमा उपलब्ध गराउने घोषणा गरेको छ । भर्टसले हाल बजारमा उपलब्ध फक्सवागन भेन्टोलाई प्रतिस्थापन गर्नेछ ।

फक्सवागनले एमक्यूबी एओ इन प्लेटफर्ममा भर्टस विकसित गर्नेछ । यही प्लेटफर्ममा कम्पनीले अर्को मिड साइज एसयूभी टाइगुन समेत लन्च गर्ने पहिले नै घोषणा गरिसकेको छ । आगामी फेस्टिभ सिजनमा टाइगुन बजारमा उपलब्ध हुने पहिले नै सार्वजनिक भइसकेको छ ।

फक्सवागनको अर्को लोकप्रिय ह्याचब्याक पोलोको सेडान भर्सन भर्टस हुनेछ । यसको स्टाइल फक्सवागन पसाटबाट प्रेरित छ । यसमा सिग्नेचर फक्सवागन ग्रिल, इन्टिग्रेटेड एंगल रनिङ लाइटका साथ स्लिमर हेडल्याम्प, एलईडी टेलल्याम्प र स्लोपिङ रुफलाइन सामेल हुनेछ । भारतमा समेत यसको परीक्षण भइरहेका तस्बिर पहिले पनि सार्वजनिक भएका छन् । यसमा टाइगुन जस्तै डिजाइन इलिमेन्ट प्रयोग हुन सक्ने अनुमान समेत गरिएको छ ।

भर्टसमा कम्पनीले १।० लिटरको ३ सिलिन्डर टर्बोचार्ज्ड पेट्रोल इन्जिनको साथमा प्रस्तुत गर्नेछ । जसले १०८ बीएचपीको पावर र १७५ एनएमको टर्क जेनेरेट गर्छ । सो कारमा ट्रान्समिसन विकल्पको रुपमा ६ स्पिड म्यानुअल र ६ स्पिड टर्क कन्भर्टर एएमटी समावेश रहेको छ । यसमा नयाँ १।५ लिटर टर्बोचार्ज्ड पेट्रोल इन्जिन समेत हुने अनुमान गरिएको छ । यसले १४७ बीएचपीको पावर र २५० एनएमको टर्क जेनेरेट गर्छ । यो इन्जिन फक्सवागन टाइगुनमा पनि उपलब्ध छ ।

कारमा १० इन्चको ठूलो टचस्क्रिन इन्फोटेनमेन्ट सिस्टम, वायरलेस एप्पल कारप्ले र एन्ड्रोइड अटो, १०.२५ इन्चको डिजिटल इन्स्ट्रयुमेन्ट कन्सोल, अटोमेटिक एसी, वायरलेस चार्जिङ जस्ता फिचर उपलब्ध हुनेछन् ।

सन् २०२२ को जनवरी देखि मार्च सम्ममा यो भारतीय सडकमा देखिने अनुमान गरिएको छ । नेपाली बजारमा पनि त्यसपछि उपलब्ध हुने अनुमान गर्न सकिन्छ ।

फक्सवागन भर्टसको प्रतिस्पर्धा होन्डा सिटी, हुन्डाई भरना र मारुती सुजुकी सियाज जस्ता कारसँग हुनेछ ।