२०२१ फक्सवागन टिगुआन अलस्पेस फेसलिफ्टको टिजर सार्वजनिक, यस्तो हुनेछ फिचर

जर्मनअटोमोबाइल कम्पनी फक्सवागनले गत वर्ष मार्चमा तीन पंक्ति अर्थात थ्री रो भएको टिगुआन अलस्पेस एसयूभी लन्च गरेको थियो । लगभग १ वर्ष पछि फक्सवागनले सो कारको ७ सिटर एसयूभीको फेसलिफ्ट मोडल लन्च गर्ने भएको छ । कम्पनीले सो मोडल १२ मेमा आधिकारिक रुपमा सार्वजनिक गर्ने भएको छ ।

सो कारको टिजर सार्वजनिक गरिएको छ । नयाँ टिगुआन अलस्पेस फेसलिफ्टको डिजाइनमा केही परिवर्तन देख्न सकिन्छ । यसको साथै यस एसयूभीमा कन्ट्रोल र असिस्ट सिस्टम जस्ता नयाँ टेक्नोलोजी र फिचर समावेश गर्नेछ । सो कारको फोटो अनुसार कारमा के के परिवर्तन गरिएको छ भन्ने जानकारी नदिइए तापनि कारको साइड प्रोफाइलबाट केही जानकारी पाउन सकिन्छ । कारको टेललाइटको डिजाइन पुरानो मोडल जस्तो देखिन्छ ।

नयाँ टिगुआन अपस्पेस फेसलिफ्टको ग्रिलमा नयाँ क्रोम लाइन समावेश गरिएको छ । यसमा फक्सवागनको आईक्य लाइट टेक्नोलोजी र एलईडी हेडलाइट पनि समावेश गरिएको छ । सो कारमा एमआईबी३ मल्टिमिडिया सिस्टम, डिजिटल ककपिट जस्ता फिचर उपलब्ध हुनेछ । भारत वा नेपालमा बिक्री हुने मोडलमा ८ इन्चको टचस्क्रिन इन्फोटेनमेन्ट पनि समावेश हुनेछ । साथै यसको फेसलिफ्ट भर्सनमा १०.२५ इन्च स्क्रिनको विकल्प पनि उपलब्ध रहेको छ ।

नयाँ टिगुआनमा पुरानो मोडलको जस्तै इन्जिन समावेश हुने सम्भावना रहेको छ । यद्यपि कम्पनीले यसमा ट्राभल असिस्ट र नयाँ फिचर समावेश गर्ने सम्भावना रहेको छ ।

नेपाली बजारमा फक्सवागन अलस्पेस आएको केही महिना भएको छ । यसको मूल्य १ करोड १८ लाख र १ करोड ५८ लाख रुपैयाँ रहेको छ ।