भारतमा इलेक्ट्रिक स्कुटर लन्च गर्दै भिनफास्ट

भियतनामी ईभी निर्माता भिनफास्टले अर्को वर्षदेखी इलेक्ट्रिक टु–ह्विलर सेग्मेन्टमा प्रवेश गर्ने तयारी गरेको छ । कम्पनीले हालै भारतीय बजारमा भीएफ६ र भीएफ७ इलेक्ट्रिक एसयूभी लन्च गरेको थियो ।

कम्पनीले अव आर्थिक वर्ष २०२६ को दोस्रो त्रैमासिकमा आफ्नो पहिलो इलेक्ट्रिक टु–ह्विलर लन्च गर्ने योजना बनाएको हो ।

भारतीय बजारमा इिलेक्ट्रिक टु–ह्विलरको संभावना उच्च रहेको कम्पनीका प्रमुख कार्यकारी अधिकृत फाम सान चाउले बताए । ‘हामी भारतमा हाम्रा इलेक्ट्रिक टु–ह्विलर लन्च गर्ने क्रममा छौ । धेरै डिलरहरु हाम्रो उत्पादनका लागि डिलर बन्न इच्छुक देखिएका छन्’ उनले भने

भिनफास्टले एसियाली बजारमा ईभो, फेलिज, कलरा र भेरो जस्ता इलेक्ट्रिक स्कूटरहरू बिक्री गर्दै आएको छ । सोहि लाइनअपबाट केही मोडलहरू भारतमा प्रस्ताव गरिने अपेक्षा गरिएको छ ।

रिपोर्टका अनुसार, भिनफास्टले भारतमा आफ्नो विद्युतीय बसहरू समेत ल्याउने योजना बनाइरहेको छ । ई–स्कुटर स्थानीय रूपमा निर्माण गरिने भए पनि, ई–बसहरू भने आयात गरिनेछ ।