विक्की कौशल बने टाटा मोटर्सका नयाँ ब्रान्ड एम्बेसडर, ‘टेक द कर्भ’ अभियानको सुरुवात

विक्की कौशल अब टाटा मोटर्सका नयाँ ब्रान्ड एम्बेसडर बनेका छन् । अब उनले टाटा मोटर्सका प्यासेन्जर तथा इलेक्ट्रिक सवारी साधनको प्रवर्धन गर्नेछन् । सो सहकार्य 'टेक द कर्भ' अभियानबाट सुरु भएको छ।

टाटा मोटर्सको नयाँ अभियानले ग्राहकलाई साहस र आत्मविश्वासका साथ अगाडि बढाउन प्रेरित गर्ने लक्ष्य राखिएको छ। टाटा मोटर्स र विक्की कौशल दुवैले आ-आफ्नो क्षेत्रमा नयाँ प्रयोग गरिरहेका छन्। विक्कीको शैली टाटा मोटर्सको इनोभेसन, एक्सिलेन्स र प्रगतिको मूल्यसँग मेल खान्छ, जसका कारण सो सहकार्य भारतीय अटोमोबाइल उद्योगमा प्रभावशाली देखिन सक्छ ।

टाटा मोटर्सले भविष्यमा मोबिलिटीलाई रूपान्तरण गर्न चाहन्छ। कम्पनीले आफ्नो सवारी साधनको डिजाइन, परफर्मेन्स र प्रविधिमा निरन्तर सुधार गर्दै आएको छ। विक्की कौशलको सहकार्यले टाटा मोटर्सको दृष्टिकोण अझ बलियो बनाउने अपेक्षा गरिएको छ । विक्की अब टाटा मोटर्सका विभिन्न ब्रान्ड गतिविधिमा संलग्न हुनेछन्।

सो अभियान 'टेक द कर्भ' को रूपमा सुरु हुँदैछ, जसको औपचारिक सुरुवात मार्च २२ बाट सुरु हुने इन्डियन प्रिमियर लिगको नयाँ सिजनमा गरिनेछ। सो अभियानले 'कर्भ' लाई केवल एउटा साधन मात्र नभई साहस, आत्मविश्वास र आफ्नो हृदयलाई पछ्याउने प्रतीकको रूपमा प्रस्तुत गर्नेछ।

टाटा मोटर्ससँगको सहकार्यबारे विक्की कौशलले भने, “टाटा मोटर्ससँग कारको दुनियाँमा प्रवेश गर्न पाउँदा म निकै उत्साहित छु। यो भारतीय ब्रान्ड हो, जसले भारतमा यात्रा गर्ने तरिकालाई परिवर्तन गरेको छ। टाटा मोटर्सको लामो समयदेखिको सम्पदा र नवीनताप्रतिको जोशले मेरो आफ्नै जोशलाई प्रतिबिम्बित गर्दछ।”

सो सहकार्यले टाटा मोटर्सलाई नयाँ उचाइमा पुर्‍याउने अपेक्षा गरिएको छ, जसले ग्राहकलाई अझ बढी आकर्षित गर्नेछ।