आज भ्यालेन्टाइन डे : यस्तो छ स्कुटर किन्दा अफर

काठमाडौं – आज फेब्रुअरी १४ अर्थात भ्यालेन्टाइन डे । नेपालमा समेत प्रेम दिवसको रुपमा आजको दिनलाई मनाउने चलन बढ्दै गएको छ । विशेष गरी युवायुवतीहरुले भ्यालेन्टाइन डेलाई उल्लासमय रुपमा मनाउने चलन बढ्दो छ ।

यही कुरालाई मनन गरी युवापुस्ताले प्रयोग गर्ने स्कुटरमा समेत भ्यालेन्टाइन डेको अवसरमा विभिन्न अफर दिने लहर चलेको छ । स्कुटर महिला र पुरुष दुवैले प्रयोग गर्ने सवारी साधन भएकाले विशेष गरी स्कुटर खरिद गर्ने ग्राहकलाई लक्ष्यित गरी कम्पनीहरुले भ्यालेन्टाइन अफर उपलब्ध गराएका छन् ।

यामाहा स्कुटर किन्दा स्योरसट डिस्काउन्टको रुपमा ७ हजार रुपैयाँ छुट हुनेछ । त्यसैगरी प्रिटीक्लिक कस्मेटिक्सबाट ३ हजार रुपैयाँ बराबरको निःशुल्क गिफ्ट भौचर प्राप्त हुनेछ ।

यामाहाले हाल उपलब्ध गराइरहेको ‘डिफाई योर ईएमआई’ अन्तर्गत ३ हजार ५६२ रुपैयाँ सम्मको मासिक किस्तामा उपलब्ध हुने अफर समेत यसमा प्राप्त गर्न सकिने यामाहाको नेपालका लागि आधिकारिक वितरक एमएडब्ल्यु इन्टरप्राइजेज प्रालिले जनाएको छ ।

होन्डा टु ह्विलरको नेपालका लागि आधिकारिक बितरक स्याकार ट्रेडिङ कम्पनीले ल्याएको भ्यालेन्टाइन डे अफर अन्तर्गत होन्डाको मोटरसाइकल तथा स्कुटर खरिदमा ग्राहकले ४ हजार रुपैयाँ क्यासब्याक पाउनेछन् ।

साथै ग्राहकले १ प्रतिशत ब्याजदरमा होन्डा मोटरसाइकल तथा स्कुटर खरिद गर्न सक्नेछन् । फाइनान्समा खरिद गर्न चाहने ग्राहकले जम्मा १ प्रतिशतको ब्याजदरमा होन्डा मोटरसाइकल तथा स्कुटर खरिद गर्न सकिने यो अफरलाई कम्पनीले केही समयअघि देखि लागु गर्दै आइरहेको छ ।

टीभीएस स्कुटर र मोटरसाइकलको लागि नेपालको आधिकारिक वितरक जगदम्बा मोटर्सले भ्यालेन्टाइन डेको अवसर पारेर आफ्नो सम्पूर्ण टीभीएस स्कुटरहरुमा ‘कनेक्ट टु लभ’ योजना ल्याएको छ ।

यस योजनाको थिम ‘लभ इज जस्ट अ कल अवे’ रहेको छ । यस योजना अन्तर्गत उपभोक्ताहरुले कुनै पनि मोडलको नयाँँ टीभीएस स्कुटर खरिदमा ६ हजार रुपैयाँ सम्मको स्योरसट नगद छुटको साथै हरेक दिन लक्की ड्र मार्फत एउटा रियलमी स्मार्ट फोन जित्न सक्ने मौका पाउनेछन् ।

यस योजना अन्तर्गत ग्राहकहरुले ४० प्रतिशत डाउन पेमेन्ट गरेर शून्य प्रतिशत ब्याजदरमा स्कुटर खरिद गर्न सक्ने कम्पनीले जनाएको छ ।

भेस्पा र अप्रिलिया स्कुटर किन्दा ५ हजार रुपैयाँ छुट उपलब्ध छ । छुट लिन नचाहनेले शून्य प्रतिशत ब्याजदरमा फाइनान्समार्फत स्कुटर खरिद गर्न सकिने छ । जोडीलाई लक्की ड्रबाट डिनर र हुडिज समेत प्रदान गरिने र इभेन्ट भिजिट गर्नेलाई किरिङ उपलब्ध गराइने भेस्पा र अप्रिलियाको आधिकारिक वितरक दुगड ब्रदर्स एन्ड सन्सले जनाएको छ ।

इसुजुका पिकअप बिक्री गर्दै आइरहेको टाइम्स मोटर्सले भ्यालेन्टाइन डेलाई ‘भ्यालेन टाइम्स डे’ को रुपमा रुपान्तरण गरी लिमिटेड एडिसन एस–क्याबमा विशेष अफर उपलब्ध गराउने घोषणा गरेको छ ।

यस अफर अन्तर्गत ग्राहकले २ लाख रुपैयाँ सम्मको फाइदा लिन सक्ने बताइएको छ । आकर्षक नगद छुट, निःशुल्क एसेसरिज, एक्सचेन्ज बोनस र ७५ प्रतिशत सम्म फाइनान्समा उपलब्ध गराउने सकिने इसुजु एस–क्याब नेपालमा रुचाइने विभिन्न मोडल मध्ये एक हो ।

नेपाली बजारमा उपलब्ध अन्य केही ब्रान्डले समेत यस प्रकारका भ्यालेन्टाइन अफर उपलब्ध गराइरहेका छन् । केही दिन पहिले देखि नै उपलब्ध यो अफर अझै केही दिन चल्ने छ ।