आयो पल्सर एनएस१६० र एनएस२०० को अपडेट मोडल, बन्यो अझै प्रिमियम

बजाजले भारतमा एनएस सिरिजका दुई बाइक एनएस१६० र एनएस२०० लाई नयाँ अपडेट सहितको लन्च गरेको छ ।

पल्सर एनएस१६० को मूल्य १ लाख ३५ हजार भारु राखिएको छ, जुन पहिले भन्दा करिव १० हजार महंगो हो । त्यसैगरी एनएस२०० को मूल्य १ लाख ४७ हजार भारु छ, जुन करिव ७ हजार महंगो हो ।

दुवै मोडलमा अब अपसाइड–डाउन फोर्क उपलब्ध छ भने ड्युअल च्यानल एबीएस स्ट्यान्डर्डको रुपमा रहेको छ । त्यसैगरी दुवैमा अझै हलुका ह्विलको प्रयोग गरिएको छ ।

यी दुई वाहेक दुवै मोडलमा अन्य कुनै परिवर्तन गरिएको छैन । एनएस१६० मा पहिलेको १६०.३ सीसीको आयल–कुल्ड इन्जिन प्रयोग गरिएको छ, जसले १७.२ एचपी पावर र १४.६ एनएम टर्क जेनेरेट गर्छ । त्यसैगरी एनएस२०० मा १९९.५ सीसीको लिक्विड–कुल्ड इन्जिन प्रयोग गरिएको छ, जसले २४.५ एचपी पावर र १८.७ एनएम टर्क जेनेरेट गर्छ ।

इन्जिन फरक भए पनि दुवै बाइक हेर्दा उस्तै देखिन्छन् । यसको स्टाइल र बडीवर्क उस्तै छ भने दुवैमा सेमी–डिजिटल इन्स्ट्रयुमेन्ट क्लस्टर प्रयोग गरिएको छ ।