फेरी वढ्न थाल्यो मोटरसाइकल र स्कुटरको मूल्य, एक हप्तामा महंगिए यी ३ ब्रान्ड

मोटरसाइकल र स्कुटरको मूल्य हरेक महिना बृद्धि हुने क्रमले वैशाख महिनामा पनि निरन्तरता पाएको छ । यो महिना यामाहा, मोटरहेड र होन्डाले मोटरसाइकल तथा स्कुटरको मूल्य बढाएका छन् भने अन्य ब्रान्डले समेत बढाउने तयारी गरिरहेको वुझिएको छ ।

यामाहाले वैशाख ६ गते नयाँ मूल्य सार्बजनिक गरेपछि शुरुवात भएको मूल्य बढ्ने दौडमा मोटरहेड र होन्डा थप भएका हुन् । मोटरहेडले २ दिनअघि अर्थात वैशाख ११ गते मूल्य बढाएको थियो भने होन्डाले आजदेखी लागु हुने गरी नयाँ मूल्यसूची सार्वजनिक गरेको छ ।

यसैगरी अप्रिलिया र भेष्पाको मूल्य वैशाख १५ देखी बृद्धि हुने जानकारी दिँदै आधिकारिक वितरक एमभी दुगड ग्रुपले पुरानै मूल्यमा मोटरसाइकल खरिद गर्न चाहने ग्राहकलाई सो सयम अगावै बुकिङ लिन आग्रह गरिसकेको छ ।

नयाँ मूल्यसूची अनुसार यामाहाले स्कुटरमा ४ हजारदेखी मोटरसाइकलमा १५ हजार रुपैयाँसम्म मूल्य बढाएको छ । सबैभन्दा बढी एक्सटिजेड १५० मा १५ हजार रुपैयाँ बढाएको यामाहाले स्कुटरमा भने ४ हजार रुपैयाँका दरले बृद्धि गरेको हो ।

मोटरहेडले एमएच १५० आरको मूल्यमा ५ हजार र टेक्कन २५०आर को मूल्य १० हजार रुपैयाँले बढाएको छ । यसैगरी स्पोर्ट्स २५० (अफरोड) मा ४ हजार र स्पोर्ट्स २५० (रोड) मा ५ हजार रुपैयाँका दरले मूल्य बृद्धि गरिएको छ ।

होन्डाले न्यूनतम ४ हजार देखि अधिकतम ९ हजार रुपैयाँ सम्मले बढाएको छ । होन्डाका ग्राजिया र डियो लगायतका स्कुटरको मूल्यमा ४ हजार रुपैयाँ सम्मल बढेको छ भने युनिकर्न, साइन लगायतका मोटरसाइकलको ९ हजार रुपैयाँ सम्मले बढेको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...