ललितपुरका २५ स्थानमा टीभीएस रेडरको टेस्ट राइड चल्दै

काठमाडौं – ललितपुरका विभिन्न २५ स्थानमा टीभीएस रेडर मोटरसाइकलको टेस्ट राइड अभियान सञ्चालन भइरहेको छ । टीभीएसको आधिकारिक वितरक जगदम्बा मोटर्सको डिलर युनिराइड अटो र रेस अटोको संयोजनमा सो कार्यक्रम सञ्चालन गरिएको हो ।

ग्राहकहरुको रुचि अनुसार यस प्रकारको टेस्ट राइड कार्यक्रमको आयोजना गरिएको युनिराइड अटोका सञ्चालक निर्मल सिग्देलले बताए । काठमाडौं उपत्यकाका विभिन्न ३ सय स्थानमा यो कार्यक्रम एक वर्ष सम्म चल्ने र यस अन्तर्गत युनि राइड तथा रेस अटोको आयोजनामा ललितपुरमा हाल यो कार्यक्रम ३० दिन सम्म चल्ने बताइएको छ ।

ललितपुरको भैसेपाटी, छम्पी, सातदोबाटो, बज्रवाराही, चापागाउँ, गोदावरी, ठैब, जावलाखेल, पुल्चोक, कुमारीपाटी, धोवीघाट, एकान्तकुना, थसिखेल, नखिपोट लगायतका स्थानमा टेस्ट राइड आयोजना गरिएको हो ।

टीभीएस रेडरमा १२४.८ सीसी एयर तथा आयलकुल्ड अत्याधुनिक थ्रीभी इन्जिनको प्रयोग गरिएको छ । यसले ६,५०० आरपीएममा ११.५ एनएम टर्क र ८००० आरपीएममा १२.९ पीएस अधिकतम शक्ति उत्सर्जन गर्ने क्षमता राख्छ । यो मोटरसाइकलले श्रेणीमै उत्कृष्ट ० देखि ६० किलोमिटर प्रति घण्टाको एक्सिलिरेसन मात्र ५.७ सेकेण्डमा प्राप्त गर्ने क्षमता राख्छ । कम्पनीले यसमा ग्यास चार्ज्ड फाइभ स्टेप एड्जस्टेबल मोनोशक सस्पेन्सन, लो फ्रिक्सन फ्रन्ट सस्पेन्सन र स्प्लिट सिट, ५ स्पिड गियरबक्स र १७ इन्च फराकिलो अलोय ह्विलको प्रयोग गरिएको छ ।

सार्वजनिक नयाँ स्पोर्टी मोटरसाइकलमा एलसीडी डिजिटल स्पिडोमिटर, थ्रीभी आई–टच स्टार्ट, एनिमलिस्टिक एलईडी हेडल्याम्प र यो श्रेणीमै पहिलो पटक अन्डर सिट स्टोरेज सुविधा पनि उपलब्ध गराइएको छ ।

यसमा जडित अत्याधुनिक हाई टेक ग्याजेट, रिभर्स एलसीडी डिजिटल स्पिडोमिटरले सटिक र स्पष्ट जानकारी प्रस्तुत गर्छ । यसका स्विट्च क्लस्टर, फुटपेग्स लगायत मेकानिकल बिवरणहरु प्रयोगात्मक सहजता र सुविधालाई विशेष ध्यानमा राखि डिजाइन गरिएका छन् ।

टीभीएस मोटर्सको परफरमेन्स मोटरसाइकल डीएनएमा आधारित लामो ह्विलबेसमा लो सिट हाइट सन्तुलन, परफेक्ट एर्गोनोमिक्स त्रिकोण र मोनो शकले सटिक ह्याण्डलिंग र आरामदायी यात्रा अनुभव प्रदान गर्छ । अद्वितीय राइड अनुभव प्रदान गर्ने उद्देश्यका साथ यसमा श्रेणीमै पहिलो पटक सामान, हेल्मेट रिमाइन्डर र यूएसबी चार्जर लगायतका लागि अन्डर सिट स्टोरेज पनि उपलब्ध गरिएको छ ।

यसको मूल्य २ लाख ४७ हजार ९ सय रुपैयाँ तोकिएको छ ।