टीभीएस रेडरमा ४ हजार र एन्टर्क सिरिजमा २ हजार मूल्य वृद्धि (पछिल्लो अपडेट मूल्य सूची सहित)

काठमाडौं – नेपालका लागि टीभीएसको आधिकारिक वितरक जगदम्बा मोटर्सले केही मोडलमा सामान्य मूल्य वृद्धि गरेको छ । कम्पनीले हालै सार्वजनिक गरेको मूल्य सूची अनुसार टीभीएस रेडर एफआईमा ४ हजार रुपैयाँ मूल्य वृद्धि भएको छ ।

नेपालमा उपलब्ध रेडर एफआईको मूल्य अब २ लाख ९६ हजार ९ सय रुपैयाँ पुगेको छ । टीभीएस रेडरको मूल्य भने २ लाख ७० हजार ९ सय रुपैयाँ छ ।

त्यसैगरी टीभीएस अपाचे आरटीआर टुभी तथा आरटीआर १६० फोरभी एफआई स्पेसल एडिसनमा पनि २ हजार रुपैयाँको दरले मूल्य वृद्धि भएको छ ।

त्यसैगरी नेपाली बजारमा लोकप्रिय रहेको एन्टर्क स्कुटर सिरिजको मूल्यमा २ हजार रुपैयाँ वृद्धि भएको छ । नेपाली बजारमा विभिन्न ७ मोडलमा एन्टर्क स्कुटर रहेका छन् । टीभीएस एन्टर्क रेगुलर र एफआई मोडलका साथै रेस र सुपर स्क्वाडका विभिन्न मोडल रहेका छन् । सबैभन्दा सस्तो मोडलको मूल्य २ लाख ३९ हजार ९ सय रुपैयाँ छ भने सबैभन्दा महंगो मोडलको मूल्य ३ लाख २५ हजार ९ सय रुपैयाँ छ ।

नेपाली बजारमा टीभीएसका अपाचे सिरिज र रेडर बाइक तथा एन्टर्क स्कुटर लोकप्रिय छन् । यी वाहेक अन्य मोडल पनि उपलब्ध छन् ।

त्यसैगरी टीभीएसको इलेक्ट्रिक स्कुटर आईक्युबका दुई मोडल समेत उपलब्ध छन् । यी स्कुटरको मूल्य ३ लाख ९९ हजार ९ सय र ४ लाख २९ हजार ९ सय रुपैयाँ छ ।

टीभीएसका सबै मोडल र पछिल्लो मूल्य सूची यस प्रकार रहेको छ :