माइलस्टोन : अन्तर्राष्ट्रिय बजारमा बिक्री भयो १ लाख टीभीएस एनटर्क स्कुटर

टीभीएस एनटर्क स्कुटर अन्तर्राष्ट्रिय बजारमा १ लाख युनिट भन्दा बढी बिक्री भएको छ । भारतमा समेत दोस्रो नम्बरको स्कुटर विक्रेता रहेको टीभीएसले विश्वका १९ देशमा बिक्री भइरहेको एनटर्कले हालै सो माइलस्टोन पुरा गरेको जानकारी दिएको छ ।

हाल टीभीएस एनटर्क दक्षिण एसिया, ल्याटिन अमेरिका, मिडल इस्ट र एसियन राष्ट्रमा बिक्री भइरहेको छ । युवापुस्ता लक्ष्यित एनटर्क स्कुटर हाल बजारमा रहेका स्कुटर मध्ये सबैभन्दा स्पोर्टी स्कुटर मानिन्छ । पछिल्लो समयमा स्मार्टफोनसँग ब्लुटुथ र स्मार्ट कनेक्ट फिचरले जोड्न सकिने भएकाले समेत यसको लोकप्रियता बढिरहेको छ ।

नेपालमा समेत टीभीएस एनटर्क सबैभन्दा बढी बिक्री हुने प्रिमियम स्कुटर हो । नेपाली बजारमा हाल टीभीएस ड्रम, डिस्क, रेस एडिसन, रेस एडिसन एफआई र सुपर स्क्वाड गरी ५ भेरिएन्टका एनटर्क स्कुटर रहेका छन् । यी स्कुटरको मूल्य क्रमशः २ लाख १५ हजार ९ सय, २ लाख ४० हजार ९ सय, २ लाख ५८ हजार ९ सय, २ लाख ७७ हजार ९ सय र २ लाख ६६ हजार ९ सय रुपैयाँ छ ।

यो स्कुटरमा टीभीएस स्मार्ट कनेक्टको सहायतामा नेभिगेसन, अन्तिम समयमा पार्किङ गरेको स्थान, कल तथा एसएमएस नोटिफिकेसन जस्ता फिचर प्रयोगमा ल्याउन सकिन्छ । यसका अलावा यसमा राइड स्टाटिस्टीक्स, ल्याप टाइमर एशेलेरेसन टाइमर तथा मोड परिवर्तन गर्न सकिने बिशेषता समेत उपलब्ध गराइएको छ । जसका कारण पनि युवा युवतीहरुको ठूलो जमात एनटर्कमा आकर्षित भएका हुन् ।

एनटर्कको अर्को रुचाइएको पक्ष भनेको यसको आवज पनि हो । प्राय स्कुटरको आवज मसिनो रहँदै आएकोमा एनटर्कको भने मोटरसाइकलको जस्तै स्मुथ आवज रहेको छ । जसका कारण पनि यो स्कुटरमा पछिल्लो समय आकर्षण बढिरहेको छ । १२५ सिसी सेग्मेन्टको यो स्कुटरको पावर तथा पर्फमेन्स समेत प्रतिस्पर्धी ब्रान्डका अन्य मोडलको तुलनमा केही बढी छ ।